پاکستانۍ لارۍ افغانستان د ننوتو جواز نه لري

(Last Updated On: November 21, 2017)

له پاکستان څخه راتلونکي ټول سوداګریز مالونه د افغانستان په بندرونو کې ښکته کیږي او د افغانستان د لاریو په واسطه د هیواد نورو سیمو ته لیږدول کیږي.

 د ترانسپورت وزارت سرپرست وايي چې دا کار د ولسمشر د فرمان په اساس کیږي.

تر دې مخکې پاکستاني لاریو حق درلود چې پاکستاني مالونه د افغانستان زیاتره ولایتونو ته ولیږدوي؛ خو اوس د افغان حکومت د پریکړې په اساس پاکستاني لارۍ  افغانستان ته د ننوتو جواز نلري او خپل مالونه د افغانستان په بندرونو کې تشوي.

د ترانسپورت وزارت سرپرست وحید طهماسي اریانانیوز ته ووېل: په سرحدونو کې بارونه له پاکستاني لاریو کوزېږي او تر دې وروسته په افغني موټرو کې بارېږي او د هېواد مختلفو سیمو ته لېږدول کېږي.

دی همدارارز زیاتوي ډير ژر د منځنۍ اسیا له هیوادونو سره د ترانزیت په برخه کې تړونونه لاسلیک کېږي چې افغانستان ته به د ترانسپورت په برخه کې ډيرې اسانتیاوې برابرې شي.

په دې وروستیو کې د ایران د چابهار بندر له لارې د وارداتو او صادراتو کچه لوړه شوې ده او په کم وخت کې سوداګریز مالونه افغانستان ته را رسیږي.

About Ariana News

Avatar

Check Also

د بشپړ ډاډ له رامنځته کیدو پرته به امریکایي ځواکونه ونه وځي-جان بس

(Last Updated On: August 24, 2019)د امریکا سفیر بلخ ته په خپل سفر کې ویلي؛ …