پارلمانى ائتلاف د ولسي جرگې اداري پلاوى له قانون څخه په سرغړونه تورن كړ

(Last Updated On: September 18, 2011)

د قانون ملاتړى پارلماني ائتلاف د ولسي جرگې د شنبې ورځې غونډه، چې د ماليې او كرنې وزيران او د مركزي بانك سرپرست رييس ورته رابلل شوي وه، غير قانوني بولي او د ولسي جرگې اداري پلاوى له قانون څخه په سرغړونه تورنوي.

له بلې خوا، د ولسي جرگې په دې غونډه كې د ماليې وزير وويل، چې:

كه تر راتلونكيو درې مياشتو نړيوال بانك او مرستندويه هېوادونه له افغانستان سره مرسته و نه كړي، دا هېواد به له جدي اقتصادي ستونزو سره مخ شي.

د ماليې وزير او د افغانستان د مركزي بانك سرپرست رييس، د شنبې په ورځ(د وږي په ۲۶) ولسي جرگې د ځواب ويلو په خاطرخپلې غونډې ته بللي وه.

د ماليې وزير حضرت عمر زاخېلوال د ولسي جرگې په غونډه كې وويل، چې:

نړيوال بانك او ډونرانو د روان عيسوي كال د مارچ راهيسې له افغانستان سره خپلې مرستې بندې كړي دي.

زاخېلوال وايي، چې:

نړيوال بانك د افغانستان له دولته غوښتي، چې له مالي بحران څخه د كابل بانك د ژغورلو لپاره دې له دغه بانك سره د ۵۲ ميليون ډالره مرسته وكړي، چې دوى وكولى شي، له سره خپلې مرستې له مركزي بانك سره پيل كړي؛ خو د دې غوښتنې عملي كيدل د ولسي جرگې هوكړې ته اړتيا لري.

د افغانستان د مركزي بانك سرپرست محب الله ساپي وايي، چې:

كه د نړيوال بانك دغه غوښتنه ونه منل شي؛ نو افغانستان به زياتې مرستې له لاسه وركړي.

د ماليې وزير حضرت عمر زاخېلوال وايي، چې:

دا مهال افغانستان په بشپړ ډول پوره پيسې په خپله خزانه كې لري، خو كه د دوى خبرې اترې (مذاكرې) له نړيوال بانك سره پايلې ته و نه رسيږي، تر درې مياشتو به له ستونزو سره مخ شي.

د زاخېلوال په وينا:

تر اوسه د كابل بانك ۶۷ميليون قرضونه راټول شوي دي.

له قانون څخه د ملاتړ ائتلاف وياند اسدالله سعادتي وايي، چې:

د ولسي جرگې دا غونډه د دې جرگې د داخلي دندو د اصولو خلاف ده.

د دې ائتلاف د وياند په وينا:

ترهغې، چې د ولسي جرگې د جرگه گيو رييسانو كميټه جوړه نه شي؛ د دې جرگې د غونډو او اجنداوو جوړول غيرقانوني دي.

د قانون د ملاتړ پارلماني ائتلاف وياند وايي، چې:

تراوسه پورې د دوى او د جرگې د اداري پلاوي او د اصلاح غوښتونكيو پارلماني گروپ تر منځ خبرې كومې پايلې ته نه دي رسيدلي

About ATN News

Avatar

Check Also

د پکتیا یو قومي مشر په ماین چاودنه کې وژل شوی

(Last Updated On: June 15, 2019)د پکتیا امنیه قومنداني د دې ولایت د پټان ولسوالۍ …

Leave a Reply

Your email address will not be published.