ټولګټو وزارت د پراختیایي بودجې ډېره برخه لګولې

(Last Updated On: سپتمبر 4, 2018)

د ټولګټو وزارت ویلي، تر اوسه مو له خپلې پراختیايي بودجې لس میلیارد افغانۍ لګولي او تر نږدي راتلونکې به خپله ټوله بودجه ولګوو.

د دغه وزارت چارواکو ویلي، چې په جوزجان، غزني او بامیان ولایتونو کې له خصوصي شرکتونو سره د ۱۷۸ میلیون افغانیو پر لګښت د سړک جوړونې تازه تړونونه لاسلیک شوي دي.

د ټولګټو وزیر یما یاري د یوې خبري ناستي پر مهال څرګنده کړې، چې د هېواد په ټولو ولایتونو کې مو کارونه روان ساتلي؛ خو اندېښنه دا ده، چې په ځینو ولایتونو کې د ناامنيو له کبله د پروژو کارونه ځنډيږي.

د ټولګټو وزیر یما یاری وایي، تر ډېره بریده مو پروګرامونه سم پرمخ روان دي؛ خو بیا هم په ناامنو سیمو کې تر یو حده ستونزې شته، چې د امنیت له ټینګیدو سره به هغه هم حل شي.

د خصوصی شرکتونو استازي ژمنه کوي، چې ورکړ شوې پرژوې به پخپل وخت بشپړې کړي.

د خصوصي شرکت استازی محمد داوود طوطاخېل ویلي، چې دغه پروژې د روڼتیا له مخې شرکتونو ترلاسه کړي او د لاسلیک شوي قرار داد پر بنسټ به يي کارونه تر سره شي.

د اړوند خصوصي شرکت بل استازی محمد امین ضیایي هم ډاډ څرګند کړی، چې راکړ شوي کارونه به د قرارداد له مخې بشپړ او په زرګونه هېوادوالو ته به د کار زمینه برابره شي.

د اقتصادي چارو ځینې کارپوهان دا مني، چې د ټولګټو وزارت لخوا تر ټولو زیاته بودجه لګول شوې؛ خو دوی يې پرګټورتوب نیوکه لري او وايي، چې د اړوند سیمو د خلکو پر ورځني ژوند یې مثبت بدلون نه تر سترګو کیږي.

خبریال: اسلم حجاب

About Ariana News

Check Also

د کابل پوهنتون د لیلیې زدکوونکیو نښته کړې

(Last Updated On: نوومبر 15, 2018) د کابل پوهنتون دلیلې د محصلینو ترمنځ د پنجشنې …