عاجل خبرونه

ټاکنیزو شکایتونو ته د رسیدګي کمیسیون په چک لیستونو کې د نیمګړتیاوو تایید کړی

(Last Updated On: September 3, 2014)

vlcsnap-2014-09-03-19h20m06s199

ټاکنیزو شکایتونو ته د رسیدګۍ کمیسیون د ولسمشرۍ د دوهم پړاو ټاکنو د رایو د چک لیستونو د خانه پورۍ پر څرنګوالي نیوکه کوي.
د دغه کمیسیون مرستیال وایي، چې په دغو چک لیستونو کې زیاتې ستونزې شته، چې دوی د څېړنو پر مهال ور سره مخامخ شوي دي.
ټاکنیزو شکایتونو ته د رسیدګي کمیسیون په یوې علني ناسته کې د ۲۳۶محلونو په باب، چې د ټاکنو خپلواک کمیسیون مخکې باطل اعلام کړي وو، د تحول او تداوم د ټاکنیز ټیم د یواتیا شکایتونو پر بنسټ ۶ محلونه د اعتبار وړ وبلل.
خو اوس، چې د ولسمشرۍ د دوهم پړاو ټاکنو د ټولو رایو د تفتیش پروسه د پای ته رسېدو په حال کې ده، ټاکنیزو شکایتونو ته د رسیدګي کمیسیون په چک لیستونو کې د ځینو نیمګړتیاو خبره کوي.
د دغه کمیسیون مرستیاله ریدا عظیمي وایي، دا ستونزه د ټاکنو د خپلواک کمیسیون د کارکوونکو د نه روزلو له کبله را منځته شوې ده.
په همدې حال کې د تحول او تداوم ټاکنیز ټيم غړی سید حبیب هاشمي د ټاکنو پر خپلواک کمیسیون تور لګوي، چې د رایو د باطلولو بهیر د سیاسي پرېکړو پر اساس مخته وړي.
خو د ټاکنو خپلواک کمیسیون ویاند نور محمد نور وایي، رایي د هغې لایحې له مخې، چې د دواړو ټیمونو له خوا منل شوی، باطلېږي.
دا په داسې حال کې ده، چې د اصلاحاتو او همپالنې ټاکنیز ټیم د رایو د باطلولو پر تګلارې انتقاد وکړ او د ټاکنو له تخنیکي پروسې ووت.

About Ariana News

Avatar

Check Also

په کابل کې ځانمرګي ۶۰ کسانو ته مرګ و ژوبله رامنځته کړې

(Last Updated On: September 17, 2019)کورنیو چارو وزارت په ډاګه کړې، چې نن له غرمې …