عاجل خبرونه

يو افغان ماين پاكوونكى د نړۍ د ماين پاكوونكيو د پلار په توگه ونومول شو

(Last Updated On: جنوري 8, 2013)

د ملگرو ملتونو د ماين پاكۍ سازمان يو افغان ماين پاكوونكى د نړۍ د ماين پاكوونكو پلار پېژندلى دى.

دغه افغان ماين پاكوونكي په افغانستان كې د ماين پاكۍ د يوې موسسې بنسټ ايښى او په دې برخه كې يې نږدې پنځوس مډالونه ترلاسه كړي.

ماين د انسان پټ او په سنگر كې ناست دښمن پېژندل كيږي.

افغانستان د څولسيزو جگړو او پر دغه هېواد د يرغلونو په ترڅ كې د ماينونو كرونده گرزيدلې ده.

د رپوټونو له مخې هره ورځ په افغانستان كې د ماين له كبله يو تن خپل ژوند له لاسه وركوي او يا هم معيوب كيږي.

كفايت الله ابلاغ، چې په افغانستان كې يې د ماين پاكولو لپاره زيار ايستلى د ملگرو ملتونو د سازمان لخوا د نړۍ د ماين پاكوونكيو د پلار نوم تر لاسه كړ.

نوموړى له پېنځه ويشت كلونو راهيسې په افغانستان كې په ماين پاكولو بوخت دى.

ويل كيږي، چې هغه تر نورو د مخه په افغانستان كې د ماين پاكۍ يوه خيريه موسسه جوړه كړه.

ابلاغ وايي، چې:

ماين پاكي ډېرو پيسو ته اړتيا لري؛ نو، ځكه له مرستندويه بنسټونو غوښتنه كوو، چې د ماين پاكۍ له موسسو سره همكاريو ته دوام وركړي.

د يادونې وړ ده، كه په افغانستان كې د ماين پاكۍ له موسسو مالي ملاتړ دوام ومومي؛ نو كيداى شي ، چې په راتلونكيو لس كلونو كې افغانستان د ماين له خطره بهر شي.

About ATN News

Check Also

طالبان د پاکستانیو جنرالانو خبرې ګردانوي- فضل الهادي مسلمیار

(Last Updated On: مارچ 17, 2019) د مشرانو جرګې رييس وايي؛ د پاکستان زیاتره پانګوال …