ولسمشر کابل ښاروال او د سوداګرۍ او صنایعو سرپرست وزیر معرفي کړل

(Last Updated On: February 9, 2019)

ولسمشر اشرف غني په چهار چنار ماڼۍ کې ( د شنبې پر ورځ د سلواغې ۲۰) په یو لړ مراسمو کې اجمل احمدي د سوداګرۍ او صنایعو وزارت د سرپرست او احمد ذکي سرفراز د کابل ښاروال په توګه معرفي کړل.

ولسمشر غني په ډاګه کړې، چې نړیوال بانک د ښو اصلاحاتو له کبله افغانستان ته د لومړۍ درجې په ورکولو کې د ښاغلي اجمل احمدي له ځانګړي رول یادونه کړې او نوموړي د عبدالمجید زابلي په څېر له خصوصي سکتور سره په همغږۍ او همکارۍ اقتصادي وده زیاته او افغانستان یې له وارداتي هېواد څخه پر صادراتي هېواد بدل کړ.

هغه دا ټینګار هم وړاندې کړ، چې له خصوصي سکتور سره د ښې همکارۍ او نږدې کار په پایله کې به افغانستان تر  ۲۰۲۴ کال پورې خپل صادرات اته میلیارد دالرو ته لوړ کړي.

ولسمشر د کابل د نوي ښاروال احمد ذکي سرفراز په اړه هم وویل، نوموړي د ښارجوړولو وزارت په چوکات کې له ساساکي کمپنۍ سره د کابل ښار د پراختیا په اړه ګډ کار کړی، چې هم ستونزې ورمعلومې دي او هم یې د هغو پر حل لارو بشپړ فکر کړی دی.

د هېواد ولسمشر دا هم ویلي، چې د افغانستان د پوهنتونو له ظرفیتونو څخه تراوسه اساسي ګټه نده پورته شوې. هغوی باید د دولت په طرحو کې د سلاکارۍ او اجرائیوي رول ولري، چې اساسي بدلون رامنځته شي.

هغه ټینګار وکړ، چې ښاروالۍ باید پر ځواب ویونکیو بنسټونو بدله شي او ښاریان په لنډ وخت کې اساسي بدلونونه وویني.

کابل ښاروال او د سوداګرۍ او صنایعو سرپرست وزیر ژمنې وکړې، چې د هېواد د ودې او پراختیا لپاره به بشپړې هڅې تر سره او په اړوند بنسټونو کې به رښتینې بدلونونه رامنځته کړي.

قتیل زوی

About Ariana News

Avatar

Check Also

ډېر ژر به ۱۵۰۰ملي بسونه په کابل ښار کې تګ راتګ پیل کړي

(Last Updated On: September 23, 2019)کابل ښاروالۍ ویلي، چې د میلیونونه افغانیو پر ارزښت يي …