عاجل خبرونه

ولسمشر اشرف غني کندهار ولایت ته رسیدلی دی

(Last Updated On: October 23, 2018)

ولسمشر غني د سې شنبې پر سهار( د لړم لومړۍ) د یوه لوړپوړي پلاوي په مشرې کندهار ولایت ته رسیدلی دی.

ولسمشرۍ څرګنده کړې، چې ولسمشر اشرف غني د ستر پاسوال عبدالرازق اڅکزي کورنۍ، قومي مشرانو او خلکو ته د خواشینۍ څرګندولو لپاره دغه ولایت ته سفر کړی دی.  

ځايي اوسیدونکي وايي، په ښار کې یوازې د ارګ ځانګړي ساتونکي، کوماندو سرتېري او د صفر درې قطعې ځانګړي ځواکونه تر سترګو کېږي او نور ټول ښار تړلی او ټول ملکي خدمات په ټپه ولاړ دي.

د کندهار ځايي چارواکي وايي، محمد اشرف غني به د جنرال رازق قبر ته ورشي او بیا به خلکو ته وینا وکړي.

جنرال رازق تېره پنجشنبه (۲۶تلې) د طالبانو په نفوذي برید کې د ملي امنیت له رییس جنرال عبدالمومین سره یو ځای ووژل شو.

په دې برید کې د ناتو ځواکونو دوه سرتېري، د کندهار والي زلمی ویسا او یو شمېر نور چارواکي ټپیان دي.

About Ariana News

Check Also

په کابل کې د مخدره توکو د قاچاق پر تور ۳ کسان نیول شوي

(Last Updated On: May 23, 2019)کورنیو چارو وزارت د کابل په نړیوال هوایي ډګر کې …