عاجل خبرونه

ولسمشراشرف غني امریکې ته په لاره دی

(Last Updated On: September 21, 2017)

ولسمشر محمد اشرف غني د ملګرو ملتونو په ۷۲ عمومي غونډه کې د ګډون لپاره امریکې ته روان شوی دی.

ولسمشر غني تېره ورځ ترکمنستان د آسیایي رزمي لوبو د پېنځم پړاو د پرانستې په مراسمو کې د برخه اخیستو لپاره دغه هېواد ته یو ورځنی سفر کړی و.

له ولسمشرۍ څخه په خپره شوې خبرپاڼه کې راغلي، چې اشرف غني له ترکمنستان څخه د نیویارک پر لوري روان شوی او ټاکل شوې ، چې دې ناستې ته به وینا هم وکړي.

ټاکل شوې، چې په نیویارک کې د ملګرو ملتونو د عمومي غونډې په څنډه کې به د امریکې د ولسمشر دونلد ترمپ او د نړۍ د یو شمېر نورو مشرانو سره هم وګوري.

د ولسمشرۍ مرستیال ویاند دواخان مینه پال رسنیو ته په ډاګه کړې، چې اشرف غني او ترمپ به په افغانستان کې د امنیت او سولې په اړه خبرې وکړي.

دا به د ملګرو ملتونو په عمومي ناسته کې د ولسمشر غني لومړۍ برخه اخیستنه وي.

له دې مخکې د ملګرو ملتونو په تېرو دوه ناستو کې اجرائیه رییس عبدالله عبدالله او د ولسمشرۍ دوه یم مرستیال سرور دانش ګډون کړی و.

دا سفر په داسې حال کې تر سره کیږي، چې افغانستان د امریکا د ولسمشر نوې تګلاره ستایلې، چې له مخې به یې پر وسلوالو مخالفینو په افغانستان کې بمبارد زیاتیږي، اضافي ځواکونه به را لیږل کیږي او همداسي د اربکیانو یو نوی ځواک به جوړیږي، چې په خپلو سیمو کې د طالبانو سره جګړه وکړای شي.

له ولسمشر سره په دې سفر کې د بهرنیو چارو وزیر صلاح الدین رباني، د ملي امنیت مشاور حنیف اتمر، د مالیې وزیر اکلیل حکیمي، په بېخبنایي چارو کې د ولسمشر سلاکار محمد شاکر کارګر او یو شمېر نور حکومتی چارواکي مل شوي دي.

About Ariana News

Avatar

Check Also

طالبانو انځوریزې، غږیزې او چاپي رسنۍ پر پوځي بریدونو ګواښلي

(Last Updated On: June 24, 2019)د طالبانو نظامي کميسيون خبرداری ورکړی؛ که تر راتلونکې يوې …