تازه خبرونه
ولسمشر د پخلایني په برخه کې د دولت وزارت جوړوي- سرچینې
حکومتي سرچینې وايي، چې د ولسمشر د دفتر رييس عبدالسلام رحیمي به د دغه وزارت وزیر و ټاکل شي.
یوه نیمه میاشت مخکې شاوخوا درې زره کسانو د مشورتي لویې جرګې په لړ کې ولسمشر غني ته وړاندیز وکړ، چې د سولې عالي شورا د ناکامیو له کبله باید لغوه کړي. اوس حکومتي سرچینې وايي؛ ولسمشر غواړي د پخلایني په برخه کې د دولت وزارت جوړ کړي، چې مشري به یې د ولسمشر د دفتر رييس عبدالسلام رحیمي ته وسپارل شي.
د مشرانو جرګې غړی محی الدین مصنف وایي، چې دا د اړتیا وړ جوړښت ندی؛ باید پر بنسټیزو غوښتنو راوڅرخيږي او د سولی عالی شورا ته د ډاډ وړ کسان وروپېژني.
ولسمشرۍ ماڼۍ په دې اړه څه نه وايي؛ خو په اجرائيه ریاست او د سولې په عالي شورا کې ځينې سرچینې ، چې نه غواړي نوم یې واخیستل شي آریانا نیوز ته څرګندوي، چې د دغه وزارت د جوړیدو طرحه تر اوسه نده وروستۍ شوې.
اوس پوښتنه دا ده که د پخلایني وزارت جوړیږي، نو د سولې عالي شورا برخلیک به څه وي؟
د سولې عالي شورا مرستیال عطاالرحمان سلیم وایي؛ یو شمېر کسان د سولې عالي شورا له ناکامۍ خبرې کوي. په داسې حال کې، چې مونږ غوره پروګرامونه او لاسته راوړنې مو لرلي دي.
وسلوالو طالبانو ته نږدې سرچینې وايي، چې په ناروي کې د افغانانو د خپلمنځي خبرو د نه تر سره کیدو وروسته د طالب استازیو یو پلاوی چین ته تللی دی. د ناروي خبرې؛ ځکه ونه شوې، چې وسلوالو طالبانو په دغو خبرو کې د عبدالسلام رحیمي او امرالله صالح له ګډون سره مخالفت کړی و.
سیاسي شنونکي وحید مژده ویلي، چې ورځ تر بلې د زلمي خلیلزاد هڅې له ماتې سره مخ کیږي او تر دې دمه طالبان په رښتیني توګه پېژندل شوي ندي.
په ولسي جرګه کې د هرات استازی فاروق مجروح وایي؛ تر هغې، چې ښکېلې خواوې یو او بل ته تېر نشي بحثونه او خبرې به پایله ونلري.
ټاکل شوې، چې لس ورځې وروسته به امریکایي او طالب استازي د اووم ځل لپاره د قطر په پلازمېنه دوحه کې سره جرګه شي؛ د بهرنیو ځواکونو وتل او ډاډمن افغانستان به د دغه پړاو د ناستو بنسټیزې خبرې وي. له هغه وروسته به بیا هم قطر د افغانانو د خپلمنځي خبرو کوربه وي. دغو خبرو ته د جرمني پر هڅو زمینه برابریږي.
خبریال: شاهپور فرهمند
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
تازه خبرونه20 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
نړۍ19 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
لوبی19 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ