ولسمشر د پاکستان د باور د جلبولو لپاره له هند سره خپلې اړیکې کمې کړي دي – کارپوهان

(Last Updated On: فبروري 11, 2015)

vlcsnap-2015-02-11-18h49m49s4

دافغان ولسمشر لخوا د هند د پوځي مرستو ځندول د ولسي جرګې او سیاسي کارپوهانو د نیوکو سره مخامخ شوه.

دوی د افغان ځواکونو په تجهیز او تمویل کې د هند رول مثبت ارزوي او وایي چې هند تل له افغانستان سره دوستانه اړیکي درلودي او باید د دوی مرستې ونه ځنډول شي.

په دي اړه موهڅه وکړ ه چې د ولسمشرۍ نظر واخلو؛ خو بریالي نشو.

داسی ویل کیږي چې ولسمشر غنی له افغانستان سره د هند پوځی مرستی رد کړي دي.

دا په داسی حال کې ده چې پخوانۍ ولسمشر هند ته د پوځي تجهیزاتو لیست ورکړي وه تر څو له افغانستان سره مرسته وکړي؛ خو کله چې دا وړانديز د هند لخوا ومنل شوه؛ نوی ولسمشر هغه وځنډول.

د ولسي جرګې یو شمیر غړي د ولسمشر دا اقدام د هیواد د ګټو خلاف بولي.

شریفی بلخ ابی دولسي جرګي غړی:

ولسمشر د پاکستان د اعتماد د جلبولو لپاره له هند سره خپلی اړیکی کمي کړي دي چې د ا دافغانستان په ګټه ندی. له پاکستان سره د اړیکو د ساتلو تر څنګ باید هند هم له پام ونه باسی.

یو شمیر کار پوهانو تر دې وړاندې اریانا نیوز ته ویلي وو چې ولسمشر غني هند د انتظار په حالت کي پریښی دی او غواړي چې په بدل کي د افغانستان پر وړاندي د پاکستان باور زیات کړي تر څو د سولی او تر هګري سره دمبارزي په برخه کي د پاکستان ملاتړ خپل کړي؛ خو مثبت پایله به ونلري.

په عین حال کې یو شمیر سیاسي کارپوهان په افغانستان کي د هند رول مثبت ارزوي او وايي چې افغانستان له ټولې نړۍ او په ځانګړي توګه د سیمې د هیوادنو مرستو او همکارۍ ته اړټیا لري.

سیاسی کار پوه میاګل وثیق:

ټولې ګټې باید بیلانس شی تر څو سیمه ییزې همکارۍ زیاتی شي او حکومت ټولو ته د اعتماد فضا رامنځ ته کړي.

خبریال: عبدالعزیز کریمی

About Ariana News

Check Also

هیله ده، چې له ولسمشریزو ټاکنو مخکې د سولې په اړه هوکړه وشي- خلیلزاد

(Last Updated On: نوومبر 18, 2018) د افغانستان د سولې په اړه د امریکا ځانګړي …