تازه خبرونه
ولادمیر پوتین د څلورم ځل لپاره بیا ولسمشر شو
د روسیې د ولسمشرۍ ټاکنو پایله ښيي، چې د روسیې اوسنی ولسمشر ولادمیر پوتین د دغه هېواد په ولسمشریزو ټاکنو کې د ۷۶ سلنه رایو له خپلولو سره د څلورم ځل لپاره بیا ولسمشر شو.
ښاغلي پوتین هم د ټاکنو د لومړنیو پایلو له اعلان وروسته په مسکو کې یوې خبري ناستې ته څرګنده کړه، چې: رایه ور کوونکیو د وروستیو څو کلونو بریاوې پېژندلې دي.
د روسیې د ټاکنو کمیسیون ویلي، د نږدې ټولو رایو په شمېرلو ولادمیر پوتین ۷۶ سلنه رایې ګټلې دي.
د یوې نظرپوښتنې له مخې؛ په ټاکنو کې ۶۳،۷ سلنه خلکو ګډون کړی دی.
پوتین تېره ورځ صندوق ته د رایې اچولو پر مهال وویل، هره هغه پایله یو بری دی، چې د ولسمشرۍ د دندې د ترلاسه کولو امکان ورسره وي.
ولادمیر پوتین په دې ټاکنو کې د خپلواک نوماند په توګه ګډون کړی و او د خپلو اووه سیالانو په ګډون یې خپل سیال کمونیست ګوند ته په ټاکنو کې ماته ورکړه.
د رایو له مرکزونو ځینې ویدیویي انځورونه ښيي، چې په ځینې ښارونو کې اصول تر پښو لاندې شوي دي؛ خو د ټاکنو مرکزي کمیسیون مشره الا پامفیلووا وايي: په ټاکنو کې د درغلۍ پېښه نه ده لیدل شوې.
پوتین د بېلابېلو شخصیتونو له نیوکو سره هم مخ دی او ځینو ویلي، چې هغه له نړیوالې جګړې سره یو لاسی شوی؛ خو د حکومت مخالف یو ډېر مهم مشر الیکسي ناوالني په دغو ټاکنو کې له ګډون منع شوی او د حکومت مخالفانو هم په کې ګډون ونکړ. دغه راز اوکرایني روسان هم په ټاکنو کې له برخې اخیستو بې برخې پاتې شوي دي.
ولادمیر پوتین په ۱۹۱۹ کال کې د روسیې لومړی وزیر شو او بیا له ۲۰۰۰ څخه تر ۲۰۰۸ پورې دوه ځلې ولسمشر ټاکل شوی دی. له ۲۰۰۸ کال څخه تر ۲۰۱۲ پورې بیا د خپل هېواد لومړی وزیر و او اساسي قانون یې په دې پړاو کې له بدلون سره مخ کړ، چې ورسره د ولسمشرۍ دوره له څلورکلنۍ څخه شپږ کلنۍ ته وغزیدله. له ۲۰۱۲ کال څخه تر اوسه ولسمشر و او دا دی په اوسنیو ټاکنو کې به له بري سره تر ۲۰۲۴ کاله ولسمشر وي.
د یادونې وړ ده، چې څلور کاله مخکې د مارچ په ۱۸ ولسمشر پوتین د یوه تړون له لاسلیکولو سره د کریمیا تاپووزمې واک له اوکراین څخه روسیې ته ولېږداوه.
تازه خبرونه
د بیات بنیاد د روژې مرسته د بلخ ولایت اړمنو ته ورسېده
بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.
د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.
نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.
هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.
بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.
تازه خبرونه
په تېرو ۶ میاشتو کې ۸ زره ۷۴۷ جنايي پېښې ثبت شوي
د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.
د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.
قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.
نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.
د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.
قانع ویلي: د پاسپورټ رياست لهخوا هره ورځ لس زره پاسپورتونه هېوادوالو ته وېشل کېږي.
د دوی د څرګندونو له مخې؛ د نشهیي توکو کښت، تولید او قاچاق هم صفر ته رسېدلي او په هېواد کې د نشهیي توکو د تولید اته ماشینونه او د نشهیي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.
هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.
د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.
تازه خبرونه
د ټاپي ګاز شرکت اجرائیه رییس له وروستیو پرمختګونو خوښي څرګنده کړه
د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.
د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.
د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.
ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.
TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت لهخوا پراختیا مومي.
دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.
-
تازه خبرونه2 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري3 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه3 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه4 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه3 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
سوداگري2 days ago
د افغانستان او پاکستان د سوداګرۍ استازیو پر ننګونو خبرې وکړې
-
تازه خبرونه1 day ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې