عاجل خبرونه

وسلوال مخالفان د پرمختګونو مخه نشي نیولی- ولسمشر غني

(Last Updated On: March 24, 2019)

ښاغلي غني په هغه ناسته کې، چې وحید عمر یې په بهرنۍ پالیسۍ کې د ځانګړي سلاکار په توګه د غونډې برخوالو ته وروپېژنده د وینا پر مهال وویل، چې د وسلوالو مخالفانو ترهګریزې کړنې به په هېواد کې د پرمختګونو مخه ونشي نیولی.

ولسمشر غني زیاته کړې، چې وسلوالو مخالفانو د امتیازونو د تر لاسه کولو لپاره ترهګریز بریدونه ډېرکړي، چې باید زموږ د دایمي وېرې سبب نشي.

ولسمشر غني یو ځل بیا ټینګار وکړ، چې په افغانستان کې روانه جګړه هیڅ راز دیني بنسټ نلري؛ د جګړې پر ځای باید پر سیاسي حل راوڅرخیږو او د تلپاتې سولې لپاره هڅې تر سره شي.

دا په داسې حال کې ده، چې په کابل کې د سولې مشورتې لویې جرګې د جوړیدو لپاره چمتوالی نیول شوي دی.

د سولې عالی شورا د دارالانشا مشر محمد عمر داوودزی وایي، چې اوس هم د سولې لپاره سیمه ییزه سیاسي اراده نشته او د سولې بېلابېلې هڅې روانې دي او دا بهیر یې ځنډینی کړی دی؛ خو د امریکایانو او طالبانو تر منځ  خبرو نړیواله سیاسي اراده رامنځته کړې ده.

د سولې عاي شورا د څرګندونو له مخې؛ د سولې مشورتي جرګه د غویی پر نهمه په کابل کې جوړیږي، چې په کې به ولس د سولې لپاره حدود وټاکي. په دې مشورتي جرګه کې به له دوه نیم زره ګډونوالو څخه دېرش سلنه ښځې برخه ولري. د دغو کسانو غوراوی به په ولایتونو کې د ولایتي شوراګانو د سهمیې له مخې ترسره کیږي او دا د سولې لپاره د یووالي رامنځته کولو یوازنۍ لار ده.  

خبریال: ادریس قادري

 

About Ariana News

Check Also

د اوبو شبکو جوړولو د ۳۱ پروژو تړونونه لاسلیک شول

(Last Updated On: April 16, 2019)د کرنې او مالدارۍ وزارت مسوولین وايي، د هېواد اوبه …