وسلوال طالبان د ډنډ غوري او ډنډ شهاب الدین د بیا نیولو تیاری نیسي

(Last Updated On: March 21, 2016)

vlcsnap-2016-03-21-15h52m48s6

په بغلان کې امنیتي مسوولین وايي، چې وسلوال طالبان د ډنډ غوري او ډنډ شهاب الدین د بیا نیولو لپاره تیاری نیسي.

د بغلان امنیه قومندانۍ امنیت آمر عبدالرشید بشیروایي،ډنډ شهاب الدین سیمه، چې څه موده مخکې د جګړې، بمونو او چاودنو لوخړو پوښلې وه، اوس پسرلي پرې شین څادر غوړولی دی.

د نوموړي په وینا؛ دلته اوس وسلوال طالبان نشته او سیمه امن ده.

 نوموړي وایي؛ طالبانو سختې هڅې پیل کړي، چې دا سیمې بیا ونیسي، افغان پوځیان سر له اوسه د وسلوالو طالبانو د بیا راګرځیدو د مخنیوي له پاره مخ په چمتو کیدو دي .

د سیمه ییزو پولیسو قومندان امیرګل بغلانی وایي، وسلوالو طالبانو دغلته خپل سنګرونه داسې ټینګ کړي وه، چې نږدې څلوېښت ورځې له افغان ځواکونو سره وجنګیدل.

دا څرګندونې په داسې حال کې کیږي، چې په ډنډ غوري او ډنډ شهاب الدین کې اوس افغان ځواکونو لویې پوستې جوړې کړي او وايي، چې د وسلوالو طالبانو د بیا راګرځيدو مخه به ونیسي.

خبریال : نصرت پارسا

About Ariana News

Check Also

په کندهار کې د داعش درې غړي او ۲۷ وسلوال نيول شوي

(Last Updated On: May 25, 2019)په کندهار ولایت کې امنیتي چارواکو څرګنده کړې، چې په …