عاجل خبرونه

وزارتونو او بودجوي ادارو ته مو بشپړ واک ورکړی- اکلیل حکیمي

(Last Updated On: April 16, 2018 6:56 pm)

د مالیې وزارت وايي، چې د پرمختیايي چارو د چټکولو لپاره مو وزارتونو او بودجوي ادارو ته د پرمختیايي بودجې د لګولو بشپړ واک ورکړی دی.

د مالیې وزیر څرګندوي؛ د پرمختیايي بودجې پرځای لګول به له دوی سره مرسته وکړي، چې ملي پرمختیايي موخو ته ور نږدې شي.

د مالیې وزیر د ولسي جرګې استماعیه غونډې ته په خبرو کې وویل، چې د پخوا په پرتله اوس وزارتونه او نور بودجوي بنسټونه د پرمختیايي بودجې په لګولو کې پرانیستی لاس لري.

د مالیې وزیر اکلیل حکیمي وايي، چې له دې وروسته به په پرمختیايي چارو کې چټکوالی راشي.

نوموړي زیاته کړې؛ په روان کال کې مرستندویو هېوادونو د افغانستان د پرمختیا لپاره د مرستو د پام وړ ژمنې کړي، چې همدا اوس یې له یو میلیارد دالرو زیاتې مرستې تر لاسه کړي دي.

هغه تمه ښيي، چې په افغانستان کې د لویو پرمختیايي پروژو له عملي کیدو سره به هېواد د سیمې د هېوادونو لپاره د اقتصادي دهلیز بڼه غوره کړي.

خبریال: رفیع صدیقي

About Ariana News

Check Also

د هند اعلان شوې مرستې به د اقتصادي پراختیا لامل شي

(Last Updated On: September 20, 2018 4:55 pm) د هېواد د سوداګرۍ نړیوالې خونې مسوولین …