عاجل خبرونه

هر هېواد كه وغواړي پرافغانستان تېرى كولى شي- حامد كرزى

(Last Updated On: September 07, 2011 1:43 pm)

افغان ولسمشر حامد كرزي دغه مطلب د ځونانو د عمومي شورا په دوه يمه ناسته كې وړاندې كړ.

ولسمشر وايي:

بې سوادي د هېواد لپاره لويه ستونزه ده.

حامد كزي ټينگار وكړ، چې:

افغان ځوانان بايد زده كړو ته مخه وكړي.

ولسمشرهمدا راز زياته كړه، چې تر راتلونكيو درې كلونو به له هېواد څخه بهرد ځوانانو د زده كړو بهير پياوړتيا  ومومي او د دولت له بوديجې به پرې څه ناڅه پېنځلس ميليون ډالر ولگول شي .

افغان ولسمشر، چې د سه شنبې په ورځ(د وږي په ۱۵ ) يې د ځوانانو د عمومي شورا په دوه يمه ناسته كې خبرې كولې؛ د هېواد  د پرمختگ په برخه كې يې د ځوانانو رول مهم وباله او زياته يې كړه، چې:

كه په هېواد كې  له استعدادونو سمه گټه پورته شي؛ افغانستان به په نړۍ كې يو ځواكمن هېواد شي.

افغان ولسمشربې سوادي او د پوهې له بهير څخه د ځوانانو ليرې والى په هېواد كې لويه ستونزه بولي او زياتوي، چې:

اوسمهال كه هرهېواد وغواړي پرافغانستان تېرى وكړي؛ نو دا كاركولى شي .

حامد كرزي د افغان ځوانانو استعدادونو ته په نغوته(اشاره) وويل، چې:

په روان كال كې له هېواد بهرد ځوانانو پر زده كړو پېنځه ميليون ډالر لگول شوي او په راتلوونكيو درې كلونو كې به په دغه برخه كې د لوگول شويو پيسو كچه پېنځلس ميليون ډالرو ته پورته شي .

د غيررسمي شمېرو له مخې اوسمهال د هېواد پېنځه شپيته سلنه نفوس ځوانان جوړوي، خو په هېواد كې د كار او زده كړو د زمينې د نشتوالي له لامله يو شمېر ځوانان له هېواد بهر په ځانگړي توگه پاكستان او ايران ته سفر كوي .

د يو شمېركارپوهانو په باور:

كه په افغانستان كې ځوانانو ته  د كار زمينه برابره شي، نو له دې سره به گاونډ هېوادونو ته د دوى د تلو او له ترهگرو ډلو سره د يو ځاى كيدو خطر هم لږ شي

About ATN NEWS

Check Also

ترهګر هڅه کوي، چې په هېواد کې مذهبي شخړې پیل شي

(Last Updated On: September 20, 2018 4:18 pm) ولسمشر غني وایي؛ ترهګر هڅه کوي، چې …

ځواب دلته پرېږدئ

ستاسو برېښناليک به نه خپريږي.