عاجل خبرونه

ناڅرګندو وسلوالو په بلخ کې د یو سوداګر زوی تښتولی

(Last Updated On: February 27, 2018)

د بلخ ولایت سیمه ییزو چارواکو خبر ورکړی، چې ناڅرګندو وسلوالو تېره ورځ مازیګر مهال د دغه ولایت د یو سوداګر ۸ کلن زوی تښتولی، چې تر دې دمه یې برخلیک څرګند شوی نه دی.

د بلخ امنیه قومندان شېرجان دراني د پېښې د منلو تر څنګ په ډاګه کړې؛ دغه ۸کلن ماشوم د مزارشریف ښار د دوه یمې امنیتي حوزې په اړوند سیمه کې هغه مهال وتښتول شو، له ښوونځي څخه د کور پر لوري راروان و

د نوموړي په وینا؛ دغه ماشوم په هایلکس ډوله بې پلیته موتر کې تښتول شوی دی.

هغه دغه راز زیاته کړې، چې د پېښې د څرنګوالي او د ماشوم د موندلو هڅې پیل شوې دي.

په دې وروستیو کې دلته د سړي تښتونې او جنایي جدمونو پېښې ډېرې شوې دي.

په یوه تازه پېښه کې د دې ولایت یو سوداګر د کابل– بلخ پر لاره ناڅرګندو وسلوالو لخوا وژل شوی او څلور میلیون دالر یې ترې وړي دي.  

About Ariana News

Avatar

Check Also

د بلوچستان په کویټه ښار کې چاودنې ۴۵ کسانوته مرګ وژوبله اړولې

(Last Updated On: February 17, 2020) رویټرز خبري سرچینې د پاکستانیو چارواکو د څرګندونو له …