عاجل خبرونه

مېرکل د درېيو ګوندونو جوړ ائتلاف په تشکيل کې ناکامه شوه

(Last Updated On: November 20, 2017 5:38 pm)

د جرمني صدراعظمه انګلا مېرکل ونه‌توانېدله له درېيو ګوندونو جوړ يو ائتلاف تشکيل کړي.

له دې سره په دغه هېواد کې د نويو پارلماني انتخاباتو امکان ته زمينه برابره شوه.

په پام کې وه دغه ائتلاف د هغې له محافظه‌کار مسيحي ډيموکراتانو، زرغون او تجارت پلوه خپلواکو ډموکراتانو تشکيل شي.

د خپلواکو ډموکراتانو د ګوند مشر کریستیان لیندنر وويل، مذاکرې ځکه ناکامه شوې چې د ښکېلو لورو ترمنځ اعتماد جوړونه له ناکامۍ سره مخامخه شوه.

انګلا مېرکل د ائتلاف لپاره له مذاکرو د خپلواکو ډموکراتانو ګوند د وتلو پر پرېکړه خپله خواشيني څرګنده کړې ده.

مېرکل ويلي چې په پام کې لري د جرمني له ولسمشر فرانک والټر شټاين ماير سره وګوري او له روان سياسي وضعيت څخه‌يې خبر کړي.

 

About Ariana News

Check Also

د وګړیو د احوال ثبتولو ادارې د کاغدي تذکرو د وېش لړۍ ودروله

(Last Updated On: September 18, 2018 6:39 pm) د وګړو د احوال ثبتولو ادارې رییس …