عاجل خبرونه

ملګري ملتونه او مدني ټولنې د فرخندې د وژونکو او سوزونکو د سزا غوښتنه کوي

(Last Updated On: مارچ 21, 2015)

vlcsnap-2015-03-21-17h47m24s176

ملګرو ملتونو په کابل کې د تیرې پنجشنبې په ورځ د قهریدلو کسانو له خوا د یوې ښځې د وژل کېدو پیښه غندلې او د پیښې عاملینو ته یې د سزا په ورکړې ټینګار کړی.

بلخوا ځینې مدني فعالانو هم د فرخندې د قتل د پیښې د جدي تعقیب غوښتنه کړې ده.

دوی وایي، د دغې وژنې عاملین باید ژر ونیول شي او سزا ورکړل شي.

په همدې حال کې پولیس وایي، چې د دغې پیښې په تړاو نهه کسان نیول شوي دي، او نور ښکېل کسان به هم ونیول شي.

اووه ویشت کلنه فرخنده د تېرې اوونۍ د پنجشنبې په ورځ په کابل کې په دې تور د وهلو او ټکولو په پایله کې په ډېرې سختۍ ووژل شوه چې ګنې قران کریم یې سیځلی دی.

خو د حج او اوقافو وزارت بیا ټینګار کوي چې دغې ښځې قران نه دی سوځولی.

د تازه خپرو شویو تصویرونو او ویډیوګانو له مخې، میرمن فرخنده چې له دیني دارالعلوم فارغه شوې او په زیات کې یې کامل اسلامي حجاب اغوستی، سوګند یادوي چې قران یې نه دی سوځولی؛ خو څوک یې خبره نه مني.

د هغې بې روحه تن د دغه ځوان له خوا چې د امنیتي چارواکو په وینا، په دین هیڅ نه پوهیږي، د لغتو او سوکانو تر کلکو ګوزارونو لاندې دی او پرې کاڼې ویشتل کیږي.

ځینې مدني فعالانو یوې ناسته کې دا پیښه غیر انساني عمل وباله او له عاملینو سره یې د کلک چلند غوښتنه وکړه.

دوی په یوه پریکړه لیک کې همدا راز له امنیتي مسولینو سره د چلند غوښتنه وکړه کوم؛ مسولین چې د دوی په وینا، دنده کې یې غفلت او بې پروایي کړې ده.

دوی وایي، د پیښې د شکمنو کسانو محاکمه باید ډاګیزه وي.

په همدې حال کې د کابل امنیه قومندان وایي، چې نهه تنه یې د دغې وژنې په تړاو نیولي دي، او د پیښې انکشافات دوام لري.

د هغه په وینا، نیول شوي کسان د دین په اړه هیڅ مالومات نه لري.

د کورنیو چارو وزیر د نورو تورونو کسانو په نیونې ټینګار کوي.

که څه هم پولیسو د فرخندې د وژنې په تړاو څو تنه نیولي؛ خو نیوکې په دې کیږي چې ولې د پولیسو په شتون کې دغه میرمن ووژل شوه او پولیس ونه توانیدل چې پیښه مهار کړي.

About Ariana News

Check Also

د اسلام د ستر پیغمبر میلاد په ارګ او د هېواد په نورو برخو کې ونمانځل شو

(Last Updated On: نوومبر 20, 2018) ولسمشر غني د میلاد النبي په مراسمو کې څرګنده …