عاجل خبرونه

مشرانو جرګې د ولسمشر ترمپ دفاع وزیر ته د باور رایه ورکړه

(Last Updated On: جنوري 21, 2017)

download (2)

په امريکا کې د نوي ولسمشر دونلدترمپ د تېرې شپې له ژمنې وروسته د دغه هېواد مشرانو جرگې (سنا) د هغه له لوري دفاع وزارت ته نوماند وزير متقاعد جنرال جيمز ماتيزته د باور رايه ورکړه.

متقاعد جنرال ماتيز د امريکا په پوځ کې له ۴۱ کلن چوپړ وروسته څلور کاله مخکې تقاعد کړی دی.

د یو شمېر رسنیو د څرګندونو له مخې؛ نوموړی په عراق کې د جگړو پرمهال پر گڼو جنگي جرمونو تورن شوی او د ليوني سپي نوم یې خپل کړی دی.

که څه هم د امريکا له قانون سره سم پوځي جنرال له تقاعد وروسته اووه کاله په ملکي حکومت کې دنده نه شي ترسره کولی؛ خو د دغه هېواد مشرانو جرگې نوموړی تېره اوونۍ له دې قانونه وویست او دی یې مستثنا وګاڼه.

په مشرانو جرگه کې د وينا پر مهال جنرال ماتيز له سختو نیوکو او پوښتنو سره مخ نه شو؛ ځکه هغه روسیه د امريکا امنيت ته گواښ وګاڼه او د روسيې پر ولسمشر ويلاديمير پوټين يې تور ولگاوه، چې هڅه کوي ناتو ماته کړي.

دغه راز نوموړي ايران بې ثباته کوونکی او د شمالي کوريا اتومي ځواک يې د امريکا امنيت ته گواښوونکی وباله.

جنرال ماتيز ويلي، د افغانستان وضعيت اوس هم خطرناک دی او زمونږ ځواکونه  په کې جگړه کوي.

جنرال ماتیز په ډاګه کړې؛ مونږ په منځني ختيځ کې هم له گواښونو سره مخ يو، روسيه د امريکا پر ضد د جگړه‌ييزې سيالۍ غوښتنه لري او چين هم غواړي، چې امريکا يوې څنډې ته کړي.

ماتيز دا هم ویلي، چې د امريکا او روسيې اړيکې له تاريخي پلوه چندان ښې نه دي پالل شوي او اوسنی وضعيت يې هم ډېر ترينگلی دی.

دا په داسې حال کې ده، چې د روسیې ولسمشر په خپلو لویدیځو پولو کې امنیتي تدابیر نورهم ځواکمن کړي دي. 

About Ariana News

Check Also

اجرائیه رییس عبدالله د ايران له ولسمشر سره لیدلي

(Last Updated On: سپتمبر 25, 2018) د افغانستان د ملي وحدت حکومت اجرائیه رییس داکتر …