لوی درستیز په ننگرهار کې د شخصي ملیشو جوړول وغندل

(Last Updated On: جنوري 3, 2016)

vlcsnap-2016-01-03-11h10m09s2په ننگرهارکې د داعش روانو هڅو اود شخصي ملېشو جوړولو لوی درستیز اړکړ، چې ننگرهارته سفر وکړي.

 

د وسلوال پوځ لوی درستیز په اچین ولسوالۍ کې له خلکو سره ژمنه وکړه، چې که د خپل سرو ملیشو جوړونکي له خپلې کړنې په شاه نه شي له قانوني چلند سره به مخ شي.

 

ښاغلي شمیم وویل، تېره اوونۍ په اچین ولسوالۍ کې د شخصي وسلوالو له خوا له څلور تنو د سرغوڅولو مسله هم څېړل کیږي.

 

هغه وویل؛ هرڅوک، چې غواړي په جگړه کې مرسته وکړي، دامنیتي ځواکونو په چوکات کې دې ځان ثبت کړي.

 

د وسلوال پوځ لوی درستیزقدیم شاه شمیم په اچین ولسوالۍ کې دهوايي بریدونو له لارې د داعش دمرکزنودختمولوژمنه وکړه.

 

په اچین ولسوالۍ کې میشت سرتېری نیازمحمد د داعش پر ضد شوي عملیات ناکام بولي او وايي، امنیتي ځواکونه له خپلو پخوانیو پوستو څخه مخکې نه دي تللي.

 

سرحدي پولیس محمد حسین وایي، تازه داعشیان له بشپړو امکاناتوسره د ديورند د کرښې له پورې غاړې څخه اچین او هسکې مېنې ولسولیو راوړي او د خلکو ځمکې په خپل منځ کې وېشي.

 

که څه هم امنیتی مسوولین د وسلوالو په وړاندې دهمغږۍ ادعاوې کوي؛ خو د اچین قومي مشر شان پاچا هاشمي وايي، د اچین ولسوال او امنیه قومندان په خپلو همغږي نه لري.

 

داپه داسې حال کې ده، چې له اچین او هسکې مېنې وروسته؛ داعش د چپریهارډېرې سیمې نیولي او د لشکراسلام او داعش د راډيوگانوحکومت ضدنشرات هم په ټول ننگرهارکې په ښه کیفیت اوریدل کیږي.

 

خبریال: رحمت الله زیارمل.

 

About Ariana News

Check Also

د کابل پوهنتون د لیلیې زدکوونکیو نښته کړې

(Last Updated On: نوومبر 15, 2018) د کابل پوهنتون دلیلې د محصلینو ترمنځ د پنجشنې …