له ۱۱ میلیون ډېرې رای پاڼې او ۲۱ زره د بایومتریک نوې دستګاوې چمتو شوي

(Last Updated On: August 12, 2019)

د ټاکنو خپلواک کمیسیون ویلي، چې د ولسمشریزو ټاکنو لپاره یې له ۱۱ میلیون ډېرې رای پاڼې چاپ او د ولسمشریزو رڼو ټاکنو د ترسره کیدو لپاره یې د ۱۳ میلیون هیرو پر ارزښت د بایومتریک نورې دستګاوې هم چمتو کړې دي.  

دغه بنسټ ۱۹ زره د بایومتریک نوې دستګاوې د سرشمېرنې له ادارې تر لاسه کړي او نږدې ۳ زره نورې ورسره پاتې دي.

د ټاکنو خپلواک کمیسیون د دارالانشا مشر حبیب الرحمان ننگ ویلي، چې ټولې دستګاوې کابل ته رارسیدلي او بانکي ډاډ به یې له اختر وروسته راورسیږي. یوازې د یادو دستګاوو سیم کاتونه پاتې دي، چې د ټاکنو پر ورځ پېرودل کیږي.    

ښاغلي ننګ زیاته کړې، چې د عربي متحده اماراتو په دوبۍ ښار کې د ولسمشریزو ټاکنو لپاره ۱۱ میلیون و ۱۸۵ زره رای پاڼې چاپ شوې او کابل ته رارسیدلې دي.

ټاکنڅاري بنسټونه د ټاکنو خپلواک کمیسیون لخوا له ټاکلي شمېر ډېرې رای پاڼې چاپول د اندېښنې وړ ګڼي.

د آزادو او عادلانه ټاکنو بنسټ غړی نعیم اصغري ویلي، چې د ډېرو رای پاڼو چاپول اقتصادي ندي او دغه راز باید د رای ورکوونکیو د نوملړ له مخې چاپ شوې وای؛ ځکه، چې دا کار درغلۍ ته زمینه برابروي.

ټاکنو خپلواک کمیسیون په عملیاتي چارو کې له پرمختګه ډاډ ورکوي. په داسې حال کې، چې ټاکنڅاري بنسټونه یې د چارو په ترسره کولو کې پر بېوسۍ تورنوي.  

خبریاله: دیانا صمدي

About Ariana News

Avatar

Check Also

په قطر کې د امریکایانو او طالبانو دریدلې خبرې بیا پیل شوې

(Last Updated On: December 7, 2019)د قطر په دوحه کې د طالب او امریکایانو ترمنځ …