عاجل خبرونه

له چا بهار بندر څخه د گټې پورته کولو په اړه گډ كميسيون جوړیږي

(Last Updated On: January 09, 2016 4:34 pm)

vlcsnap-2016-01-07-12h50m12s249افغان او ايراني چارواكي به ډېر ژر له چا بهار بندر څخه د استفادې د څرنگوالي په اړه يو گډ كميسيون جوړ کړي.

د افغانستان اجرائيه رييس ايران ته د درې ورځينې سفر په لړ كې د چاه بهار له بندر څخه هم ليدنه كړې، چې سمندر ته د افغانستان د لارې موندلو په برخه كې د شته ستونزو او فرصتونو په اړه له ايراني چارواكو خبرې وكړي.

اوس اړتيا ده، چې له دې بندر څخه د ډېرې گټې پورته کولو په موخه له هند او ايران سره دوه اړخيزې هوكړې لاسليك شي او د دواړو هېوادونو چارواكو هم ژمنه كړې،چې په دې اړه به ژر يو كميسيون جوړوي.

ښاغلي عبدالله په چاه بهار پوهنتون كې د وينا پرمهال دا بندر د افغانستان له پاره ارزښتناك وباله ټينگار يې وكړ، چې افغانستان په دې برخه كې پانگونې ته لیواله دى.

د ايران د سيستان او بلوچستان والي مهدي هاشمي هم ژمنه كوي؛ د افغانانو د پانگونې په موخه به آسانتياوې رامنځته كړي، چې د پانگونې له پاره وهڅيږي .

افغانستان د نيمروز ولايت له لارې له چاه بهار بندر سره نښلول كيږي او لار يې له دې مخكې جوړه شوې ده.

يو شمېر سوداگرو، چې په چاه بهار بندر كې پانگونه كړې له اجرائيه رييس سره په كتنه كې له ځينو ستونزو شكايت كوي.

چاه بهار بندر د پاكستان له لارې د افغانستان يوازنى بديل پېژندل كيږي، چې د سمندر له لارې يې د صادراتو او وارداتو له پاره وكاروي.

خبریال: حمید صدیقي.

 

About Ariana News

Check Also

ولسمشرۍ ماڼۍ د افغان او بهرنیو پوځي چارواکو د ناستې کوربتوب وکړ

(Last Updated On: September 23, 2018 6:55 pm) ولسمشرۍ مانۍ په ډاګه کړې، چې ارګ …