له كندز څخه تخار ولايت ته د ۲۲۰ كيلو وات برښنا د ليږد پروژه پاى ته ورسيده

(Last Updated On: January 18, 2014)

چارواكي وايي، له كندز څخه تخار ولايت ته د ۲۲۰كيلو وات برښنا د ليږدولو د پروژې كار پاى ته ورسيد. پر دې پروژې اته ويشت ميليون دالر لگيدلي، چې د آيسا پرمختيايي بانك وركړي دي.

د ماليې وزير حضرت عمر زاخېلوال وايي، دا يوازې تخار ته اړوند پروژه نه ده، بلكې په نږدې راتلونكې كې به بدخشان ته هم وغزول شي.

د برښنا شركت رييس عبدالرزاق صمدي وايي، اړونده اداره كافي بوديجه په واك كې لري او په نږدې راتلونكې كې به د تخار مركز تالقان ښار ته برښنا ورسول شي.

بل خوا د تخار د برښنا مدير عبدالحميد وايي، چې تخار ته د برښنا په ليږد د برښنا د لگښت بيه هم را لويدلې ده.

په ولسي جرگه كې د تخار ځينې استازي پر دولت نيوكه كوي او وايي، چې كه د تخار له اوبو څخه سمه استفاده وشي، د دې ولايت له اوبو به نورو ولايتونو ته هم برښنا توليد شي.

دغو چارواكو په كندز كې د خان آباد د برېښنا بند، چې د امريكا په وړيا مرستو جوړ شوى و، پرانيست او يو زرو پېنځه سوه كورنيو ته يې برېښنا وركړه.

About Ariana News

Avatar

Check Also

په بګرام کې ځانمرګي برید ائتلافي ځواکونه ندي زیانمن کړي-غوڅ ملاتړ ماموریت

(Last Updated On: August 24, 2019)تېره شپه یوولس بجې د بګرام ولسوالۍ په صیاد سیمه …