له قانون څخه د ملاتړائتلاف غړي ولسي جرگې ته راوگرځيدل

(Last Updated On: October 9, 2011)

د دغه ائتلاف غړي وايي، چې:

د را گرځيدل يې د ولايتې شوراگانو د رييسانو په منځگړيتوب تر سره شوي. دا په دې معنا نه ده، چې دوى له خپلو پخوانيو غوښتنو تېرشوي دي.

د ولسي جرگې يو شمېرغړي د ياد ائتلاف يو شمېرغوښتنې د قانون خلاف گڼي .

د ټاكنو د خپلواك كميسيون له هغې پرېكړې وروسته، چې د ولسي جرگې د برحالو ۹ غړيو پرځاى يې ۹ نوي غړي وروپېژندل؛ له قانون څخه ملاتړ ائتلاف د اعتراض په ډول د ولسي جرگې په غونډو كې له گډون ډډه وكړه،  خو له يوې مياشتې وروسته د ولايتې شوراگانو د رييسانو په منځگړيتوب يو ځل بيا د ولسي جرگې غوڼدو ته حاضر شول او د ولسي جرگې د رييس عبداروف ابراهيمي له لوري ورته ښه راغلاست وويل شو.

له قانون څخه د ملاتړ ائتلاف له خوا د خپلو غوښتنوتكرار يو ځل بيا د ولسي جرگې د بلې اصلاح غوښتونكيو ډلې غبرگونونه را وپارول.

د ولسي جرگې غړي حاجي الماس د هرې پارلماني ډلې له خوا د  ولسي جرگې د غونډو پريښودل د خلكو د غوښتنو خلاف كار وباله .

په همدې حال كې له قانون څخه د ملاتړ ائتلاف غړې سيمين باركزى، چې د ټاكنو د خپلواكو كميسيون د وروستۍ پرېكړې له مخې د ولسي جرگې غړيتوب له لاسه وركړى؛ د ډوډى خوړلو د اعتصاب اوومه ورځ هم تېره كړه .

دا په داسې حال كې ده، چې د مشرانو جرگې يو شمېر غړيو، د مدني ټولنو د بشري حقونو خپلواك كميسيون رييسې سيما ثمر او يو شمېر سياسي شخصيتونو د ميرمن باركزۍ له خيمې ليدنه كړې .

ميرمن باركزى تېره اوونۍ له افغان ولسمشر حامد كرزي سره هم  ليدلي، خو داسې ښكاري، چې يادې كتنې كومه پايله نه درلوده.

About ATN News

Avatar

Check Also

طالبانو د روغتیا نړیوال سازمان او سره صلیب پر هڅو بندیز لګولی

(Last Updated On: April 11, 2019)طالبانو (په ټول هېواد کې) د روغتیا نړیوال سازمان(WHO) او …

Leave a Reply

Your email address will not be published.