عاجل خبرونه

له دې وروسته کابل ښاریان کولای شي د خپل موبل له لارې د بریښنا بېلونه تحویل کړي

(Last Updated On: April 13, 2015 6:20 pm)

vlcsnap-2015-04-13-18h15m54s79

د افغانستان د برېښنا شرکت د افغان بیسیم او روشن مخابراتي شرکتونو او د مریخ ټکنالوژۍ او نوي کابل بانک سره داسې تفاهم لیک لاسلیک کړ چې له مخې به یې کابل ښاریان وکولی شي د خپلو موبایل ټلفونونو له لارې د برېښنا بلونه تحویل کړي.

د افغانستان د برېښنا شرکت لخوا به مشتریانو د بل د تحویلولو په هکله پیغام استوي چې مشتریان به وکولی شي، د ام پیسه او بانکي حساب له لارې د برېښنا صرفیه یا بل تحویل کړي.

د بريښنا شرکترییس عبدالرازق صمدي وايي چې له دې وروسته به د کابل ښاریان د بريښنا د بل د تحویلولو لپاره په ساعتونو د بانکونو مخې ته نه وي ولاړ.

د افغان بیسیم د مای مني سیستم له لارې به خلک وکولی شي د نوي کابل بانک ۳۱ ۳۱ شمارې ته د برېښنا د بل پیسې د برېښنا شرکت په حساب ولیږي.

vlcsnap-2015-04-13-18h16m29s173

د افغان بیسیم مخابراتي شرکت رییس امین رامین وايي چې د مای مني د سیستم له لارې د برېښنا د بل تحویلول د کابل ښاریانو لپاره تر ټولو ښه او اسانه لاره ده.

دا په داسې حال کې ده چې کابل ښاریان د برېښنا شرکت د خدمتونو په هکله وخت نا وخت شکایت کوي.

ځیني ښاریان وايي چې د بريښنا صرفیه يې په بلونو کې دوه برابره حسابیږي.

About Ariana News

Check Also

پولیسو په ننګرهار ولایت کې د لوی ملي ائتلاف خیمې ټولې کړې

(Last Updated On: September 18, 2018 6:07 pm) د ننګرهار والي ویاند څرګنده کړې، چې …