كندهار بيا هم د نوماند داكتر عبدالله عبدالله د ټاكنيزو مبارزو كوربه شو

(Last Updated On: مارچ 31, 2014)

د يكشنبې په ورځ( د وري۱۰) د ولسمشرۍ نوماند داكتر عبدالله عبدالله د كندهار ښار په احمدشاهي لوبغالي كې له خپلو مرستيالانو سره خپلو زرگونو پلويانو ته خپله كړنلاره بيان او له خلكو يې وغوښتل چې ده ته رايه وركړي او خپل روښانه راتلونكى تضمين كړي.

نوموړي خلكو ته ډاډ وركړ، چې د برياليتوب په صورت كې به د خلكو له هيڅ راز خدمت څخه ځان نه سپموي.

د كندهار يو شمېر قومي مشرانو هغه ته ته ډاد وركړ، چې د جهاد او مقاومت په وخت كې له ده سره ملگري ول او اوس هم ورسره دي.

له دې سره سره، چې په كندهار كې خلك د ټاكنيزو كمپاينونو په لړ كې امنيتي تدابيرو ته اندېښمن ول؛ خو د امنيتي ځواكونو د ښو امنيتي تدابيرو له كبله تر دې مهاله په دې غونډو كې هيڅ ډول امنيتي ستونزه نه ده رامنځته شوې.

About Ariana News

Check Also

طالبان دې له افغان حکومت سره مخامخ خبرو ته حاضر شي- پمپیو

(Last Updated On: مارچ 19, 2019)د امریکا د بهرنیو چارو وزیر مایک پمپیو له طالبانو …