عاجل خبرونه

كامرون او ساركوزى د ليبيا مركز طرابلس ته رسيدلي

(Last Updated On: September 16, 2011)

د انگلستان لومړى وزير ډيويډ كامرون او د فرانسې ولسمشر نيكولاس ساركوزى د انتقالي شورى له رهبرانو سره د خبرو لپاره د ليبيا مركز طرابلس ته رسيدلي، چې د ليبيا د انتقالي شورى رييس مصطفى عبدالجليل ترې له معمرالقذافي د فاداره ځواكونو د ځپلو لپاره د وسلو او مهماتو غوښتنه كړې ده.

طمع كيږي، چې كامرون او ساركوزي به د بنغازي له ښار څخه هم ليدنه وكړي.

د انگلستان د لومړي وزيردفترد يوې اعلاميې په خپرولو ليبيا  ته د ډيويډ كامرون د سفر پخلى كړى دى.

لويديځو رسنيو هم رپوټونه وركړي، چې د ليبيا د انتقالي شورى په رسميت له پېژندلو وروسته ډيويډ كامرون او نيكولاى ساركوزي د لويديځ لومړني چارواكي دي، چې ليبيا ته يې سفر كړى.

د ليبيا د انتقالي شورى رييس مصطفي عبدالجليل له نړيوالې ټولنې غوښتي، چې د معمرالقذافي د ځواكونو د ځپلو لپاره دويته وسلې په واك كې وركړي.

هغه رسينو ته ويلي، چې:

د قذافي ځواكونه په دښتو كې سره راټول شوي او د غچ اخيستو لپاره د بريدونو تابيا كوي.

انگلستان او فرانسه هغه هېوادونه ول، چې د ليبيا د ولسمشر معمرالقذافي د راپرځولو لپاره يې پر پوځي زور ټينگار كاوه.

د دغو دواړو هېوادونو جنگي الوتكو په تېرو شپږ مياشتو كې د معمرالقذافي پر ځواكونو سختې بمبارۍ وكړې.

About ATN News

Avatar

Check Also

په تاجکستان کې د داعشیانو برید له افغانستان سره تړاو نلري- ملي دفاع وزارت

(Last Updated On: November 7, 2019)د افغانستان د ملي دفاع وزارت ویلي؛ د تاجکستان پوله …

Leave a Reply

Your email address will not be published.