عاجل خبرونه

فساد، شر اچوونکیو ته مادي امکانات وړاندې کړي- سیګار

(Last Updated On: September 15, 2016)

download

سیګار په ډاګه کړې، چې فساد له دولته د خلکو د ناخوښۍ لامل شوی او مادي امکانات یې شر اچوونکیو ته وړاندې کړي دي.

دغه څرګندونه؛ په هغه ګزارش کې، چې د افغانستان د بیا رغونې لپاره د امریکا د عمومي پلټنې ادارې (سیګار) خپورکړی په ډاګه شوې ده.

دې ادارې له امریکا غوښتي، چې په افغانستان کې د اداري فساد په وړاندې مبارزه له خپلو اولویتونو څخه وشمېري.

له دې ګزارشه ښکاره شوې، چې فساد له دولته خلک ناخوښي کړي او په افغانستان کې د بیارغونې هڅې هم ترې هم اغېزمنې شوې دي.

دا ګزارش، چې په “جنګ کې فساد: په افغانستان کې د امریکا له تجربې درسونه” تر سرلیک لاندې خپور شوی؛ ښيي: په داسې حال کې، چې امریکا د افغانستان اقتصاد ته میلیاردونه دالر مرسته څانګړې کړې؛ خو بریالۍ شوې نه ده، چې پخپل وخت د فساد د پراختیا مخه ونیسي او همدې موضوع په دې هېواد کې فساد ته وده ورکړې ده.   

About Ariana News

Check Also

ملي شورا به په راروانه اوونۍ کې پرانستل شي

(Last Updated On: April 23, 2019) ټاکنڅارې ډلې او کارپوهان وایي؛ تر هغې، چې د پاتې …