غزنی، د اسلامي تمدن پلازمېنه

(Last Updated On: February 24, 2014 10:25 am)

پرون ورځ غزنى د ځانګړو مراسمو كوربه و په دې مراسمو كې دغه ښار د اسلامي تمدن د پلازمينې په توګه ونومول شو.

د غزني والي محمد موسى اكبرزاده په دې مراسمو كې د كورنيو او بهرنيو بنسټونو د نه همكارۍ له امله انديښنه وښوده او ويې ويل چې، غزنى د افغانستان وياړ دى او د ښه كيدو په برخه كې يې بايد پاملرنه وشي .

نوموړي له دولت څخه وغوښتل چې دغه ولايت په لومړۍ درجه ولايتونو كې شامل او هر كال يې د تاريخي ځایونو رغولو ته پنځه ميليون ډالره ځانګړي شي.

په دې مراسمو كې د افغانستان دولت او يو شمير اسلامي هيوادونو يو شمير لوړ پوړو چارواكو برخه اخيستې وه . دا مراسم په دې وياړ جوړ شوي وو چې د اسلامي ثقافت د مركز په توګه د غزني نومول كيدل ولمانځي.

همدا رنګه د اطلاعاتو او فرهنګ وزير په دې مراسمو كې د غزني وياړونه بې شميره وبلل او د آي سیسکو سازمان استازي عباس صدری چې دغه لقب يې غزني ته وركړى د دغه سازمان پيغام ولوست او دغه لقب يې نه يوازې د افغانستان بلكې د ټولې اسلامي نړۍ له پاره وياړ وباله.

دغه مراسمو ته له ليرې او نيږدې ولايتونو څخه ګڼ شمېر ميلمانه راغلي وو ، ډيرو میلمنو د خپلو ولايتونو لاسي صنايع هم په دې جشن كې نندارې ته وړاندې كړل.

دا مراسم به تر څلورو ورځو پورې دوام ولري . چارواكي وايي چې د دې نوم د تلپاتى ساتلو له پاره به هر کال دا جشن جوړوي.

About Ariana News

Check Also

د بهرنیو چارو وزارت وزارت ۴۹ کار کوونکي منفک شول

(Last Updated On: September 23, 2018 7:58 pm) د اداري اصلاحاتو او ملکي خدمتونو کمیسیون …