عاجل خبرونه

طالب مشران دې له پاکستان څخه راووځي-سید طیب آغا

(Last Updated On: October 22, 2016 10:57 am)

taliban-300x168

په قطر کې د طالبانو د نارسمي سیاسي دفتر پخواني مشرسید طیب آغا  یو شمېر رسنیو ته په ډاګه کړې، چې د طالبانو مشر او د کمیسیونونو مشران دې له پاکستان څخه راووځي.

سید طیب اغا په یوه لیک کې څرګنده کړې: د طالبانو نوي مشر هبت الله اخوندزاده د سږ کال په جولای کې ورڅخه غوښتي، چې د قطر د دفتر مشري ومني؛ خو ده د همدې میاشتې په ۱۶ ورته په ځواب کې لیکلي: په دې شرط دا مسوولیت مني، چې د طالبانو مشر او د کمیسیونونو مشران له پاکستان څخه ووځي.

ده د طالبانو په لیکو کې د بهرنیو اتباعو له حضور سره هم مخالفت کړی او د طالبانو په بریدونو کې یې د ملکیانو د وژل کیدو په وړاندې اندېښنه ښکاره کړې ده.

سید طیب آغا د طالبانو له مشره غوښتي؛ هغه کسان له خپلو لیکو وباسي، چې د پاکستان، ایران او نورو هیوادونو له استخباراتو سره مستقیم یا غیرمستقیمې اړیکي لري.

ویل کېږي، چې سید طیب آغا د پاکستان د فشار له کبله د ملا اختر محمد منصور له لوري د قطر د دفتر له مشرۍ لیرې شوی و.

ملا هیبت الله اخوند ته د سید طیب آغا په لیک کې د طالبانو مشر ته د امیرالمومنین د کلمې له کارولو سره مخالفت شوی دی.

تر دې دمه طالب مشرانو په دې اړه څه نه دي ویلي.

About Ariana News

Check Also

په ايران کې پر پوځي پريډ وسلوال بريد مرګ و ژوبله اړولې

(Last Updated On: September 22, 2018 2:28 pm) د ایران په جنوب اهواز ښار کې …