طالبانو په فراه ښار کې د نجونو ښوونځیو د بندیدا له ګواښ سره مخ کړي

(Last Updated On: February 19, 2017 7:10 pm)

vlcsnap-2017-02-19-19h04m10s163

 د فراه ولایت د پوهنې ريیس وايي، چې وسلوالو طالبانو د یوې اخطاریې په خپرولو د نجونو ښوونځي له ګواښ سره مخ کړي دي.

 وسلوالو طالبانو په فراه ښار له پرلپسې بریدونو وروسته اوس د نجونو د ښوونځیو د بندولو خبرداری ورکړی دی.

د فراه ولایت د پوهنې رييس محمد صابر فاروقي وايي، چې وسلوالو طالبانو د نجونو د ښوونځیو ښوونکې ګواښلي، چې ښوونځیو ته له ورتګ ډډه وکړي.

د هغه په وینا؛ د وسلوالو طالبانو له دغه خبرداري سره سم په فراه ښار کې د نجونو شپږ لیسې او ښوونځي تړل شوي دي.

د فراه ولایت د ښځو چارو ریاست په ښار کې د نجونو د ښوونځيو په تړل کیدو اندېښنه ښودلې ده.

د فراه ولایت د ښځو چارو ريیسه کبرا عظیمي وايي، چې په فراه ښار کې د نجونو د ښوونځیو تړل کیدل  ناورین دی.

هغې له دیني عالمانو او مسوولینو څخه وغوښتل، چې د ښوونځيو په پرانیسته کې ور سره مرسته وکړي.

دیني عالم مولوی عبدالجبار مطمئن وايي، چې د اسلامي قوانینو له مخې ښوونځيو ته د نجونو تګ هیڅ ستونزه نلري.

د نوموړي په وینا؛ تعلیم پر نر او ښځه دواړو فرض دی.

ویل کیږي، چې د فراه ښار په شاو خوا سیمو کې سل زره کسان اوسیږي او که د وسلوالو طالبانو ګواښونه همداسې روان وي؛ نو هلته به زرګونه نجونې له تعلیم څخه بې برخې شي.

د یادونې وړ ده، چې فراه والي تر دې دمه په دې اړه څه نه دي ویلي.

About Ariana News

Check Also

په زابل کې بندي طالب پولیسو ته مرګ و ژوبله اړولې

(Last Updated On: September 24, 2018 2:01 pm) چارواکو څرګنده کړې، چې د زابل ولایت …