عاجل خبرونه

طالبان دې د جګړې پر ځای سوله غوره کړي – دفاع وزارت

(Last Updated On: جون 30, 2018)

دفاع وزارت وايي، تېره شپه دولس بجې د حکومت له لوري اعلان شوی یو اړخیز اوربند پای ته ورسید؛ خو غوره به دا وي، چې طالبان د جګړې پر ځای سوله غوره کړي.

د روژې له اووه ویشتمې تر تېرې شپې د حکومت له لوري د وسلوالو طالبانو پر وړاندې یو اړخیز اوربند اعلان شوی و، چې تېره شپه پای ته ورسید. د حکومت له لوري د لومړي پړاو د اوربند پر مهال طالبانو د اختر تر درېیمې اوربند وکړ؛ خو حکومت خپل یو اړخیز اوربند لس ورځنی نور هم وغزاوه. طالبانو د خپل اوربند له پای ته رسیدو راپدیخوا پر افغان ځواکونو پراخ بریدونه وکړل او مرګ و ژوبله یې هم ور واړوله.

د دفاع وزارت د ویاند د دفتر سرپرست محمد رادمنش وايي، مونږ اوربند ته ژمن یو او بیا هم سوله غوره بولو؛ خو که طالبان جګړه انتخاب کړي پر وړاندې به یې هوايي او ځمکني عملیات وغزول شي.

پوځي کارپوه عتیق الله امرخېل وایي؛ له اوربند سره حکومت ثابته کړه، چې خپلې خبرې ته ژمن دی؛ خو امنیتي او دفاعي ځواکونه د اوربند پر معنا پوه شوي نه ول.

د نوموړي د څرګندونو له مخې؛ افغان ځواکونه باید ماشه پر لاس ولاړ وای، چې له ځانه یې ساتنه ساتنه کړې وه.

د کارپوهانو په وینا؛ ملي ځواکونه باید د طالبانو پر وړاندې پراخ عملیات پیل کړي، چې له لاسه وتلې سیمې بېرته لاسته ورشي او خپل قوت طالبانو او نورې نړۍ ته وښيي.

خبریال: خلیل الرحمن امید

About Ariana News

Check Also

د اسلام د ستر پیغمبر میلاد په ارګ او د هېواد په نورو برخو کې ونمانځل شو

(Last Updated On: نوومبر 20, 2018) ولسمشر غني د میلاد النبي په مراسمو کې څرګنده …