طالبانو د سرپل په سنچارک کې ۱۱ پاڅون کوونکي وژلي

(Last Updated On: April 15, 2018)

سیمه ییزو چارواکو په ډاګه کړې، چې د سرپل  د سنچارک ولسوالۍ په تبر او تغای خواجه سیمو کې وسلوالو طالبانو تېره شپه برید کړی، چې د ولسي پاڅون کوونکیو او وسلوالو طالبانو ترمنځ په نښته کې د طالبانو د یو نښه ویشتونکي قومندان نورالدین په ګډون درې وسلوال هم وژل شوي دي.

د سرپل والي محمد ظاهر وحدت وایي، په دغه نښته کې یوولس ولسي پاڅون وال وژل شوي او دوه نور ټپیان دي.

ښاغلی وحدت زیاتوي؛ له مرکز څخه تازه دمې سرتېري سنچارک ته استول شوي او اوس وضعیت عادی حالت لري.

د سرپل ولایتي شورا رییس محمد نور رحماني اندېښنه څرګندوي او له کورنیو چارووزارت څخه غواړي، چې د جګړې د مدیریت لپاره وړ کسان وګماري.

په تېرو لس ورځو کې وسلوالو طالبانو د سرپل پر بېلا بېلو پوستو بریدونه کړي، چې په پایله کې یې پېنځلس امنیتي سرتېري وژل شوي ا و څوارلس نور ټپيان دي.

 

About Ariana News

Avatar

Check Also

د بشپړ ډاډ له رامنځته کیدو پرته به امریکایي ځواکونه ونه وځي-جان بس

(Last Updated On: August 24, 2019)د امریکا سفیر بلخ ته په خپل سفر کې ویلي؛ …