عاجل خبرونه

طالبان په افغانستان کې د تاوتریخوالي کمولو ته چمتووالی لری-قریشي

(Last Updated On: January 16, 2020)

د پاکستان د بهرنیو چارو وزیر ويلي، چې طالبانو په افغانستان کې د تاوتریخوالي کمولو ته چمتووالی ښودلی دی.

د تاوتریخوالي د کمولو په اړه په پاکستان کې د طالب مشرانو ترمنځ له سلا مشورو وروسته د پاکستان د بهرنیو چارو وزیر شاه محمود قریشي ویلي، چې طالبان د تاوتریخوالي کمولو ته سلا شوي دي.

د پاکستان د بهرنیو چارو وزیر شاه محمود قریشي څرګنده کړې؛ د سولې خبرو په اړه د پام وړ پرمختګ شوی او طالبان د تاوتریخوالي پر کمولو سلا شوي دي. دا د سولې لپاره یو مهم ګام دی. پاکستان په دې برخه کې خپل مسوولیت تر ډېره پر ځای کړی او مونږ غواړو، چې په ټوله سیمه کې ثبات راشي.

شا محمود قریشي زیاته کړې، چې د طالبانو دغه ګام به افغانان سولې ته څو ګامه ورنږدې کړي؛ خو افغان حکومت ويلي، چې د تاوتریخوالي کموالی حقوقي معنا نلري؛ نو، ځکه په بشپړ اوربند ټينګار کوي.

د سولې په برخه کې د دولت وزیر عبدالسلام رحیمي وايي، چې په قطر کې د طالب استازیو او امریکايي پلاوي په خبرو کې د پام وړ  پرمختګ ندی شوی.

د ملي دفاع وزارت پخوانی مرستیال تمیم عاصي په دې باور دی، چې د تاوتریخوالي کمول حقوقي اړخ نلري او هیڅوک یې په ټينګولو ځان مکلف نه ګڼي.

طالبانو ته نږدې سرچینو هم ويلي، چې طالبان به هغه وخت په لویو ښارونو او لویو لارو کې د تاوتریخوالي د کمولو اعلان وکړي، چې په لس ورځو کې د ننه امریکا د سولې هوکړه لاسلیک کړي.

د سولې د دغې هوکړې له مخې به له افغانستان څخه د امریکايي سرتېرو وتلو ته هم لاره اواره شي.

About Ariana News

Avatar

Check Also

ارګ او سپیدار له طالبانو سره د خبرو لپاره جلا پلاوي ټاکي

(Last Updated On: February 26, 2020) په اجرایئه ریاست کې یوې سرچینې ویلي؛ د عبدالله …