عاجل خبرونه

طالبانو په جوزجان کې لس ملکي وګړي سوځولي- د والي ویاند

(Last Updated On: November 15, 2019)

د جوزجان والي ویاند ویلي، چې طالبانو په جوزجان کې لس ملکي وګړي سوځولي دي.

د جوزجان والي ویاند عبدالمعروف آذر ویلي، چې طالبانو تېره شپه د دې ولایت د درزآب ولسوالۍ د اړوند سیمې لس ملکي وګړي په خپلو دکانونو کې سوځولي دي.

د ښاغلي آذر د څرګندونو له مخې؛ دغه ملکي وګړي د طالبانو له وېرې، چې دکانونه یې د طالبانو اړوند کسان لوټ نکړي؛ په خپلو دکانونو کې یې شپې تېرولې.

نوموړي زیاته کړې، چې دغه ملکي وګړي د درملنې لپاره د شبرغان روغتون ته لیږدول شوي دي.

هغه په پېښه کې د وژل شویو کسانو په اړه څه ندي ویلي.

طالبانو تر دې دمه دا پېښه نه منلې او نه یې په اړه څه ویلي دي.

About Ariana News

Avatar

Check Also

د مشرانو جرګې رییس د حلیم تنویر د نیولو غوښتنه وکړه

(Last Updated On: December 10, 2019)د مشرانو جرګې رییس له حکومته غوښتي، چې د اطلاعاتو …