عاجل خبرونه

طالبانو د تخار ینګي قلعه او درقد ولسوالۍ ونیولې

(Last Updated On: September 10, 2019)

د تخار ولایت سیمه ییزو چارواکو د طالبانو لخوا د دغه ولایت د ینګي قلعه او درقد ولسوالیو نیول منلي دي.

د تخار والي ویاند محمد جواد هجري ویلي، چې امنیتي ځواکونو د ملکي زیانونو د مخنیوي لپاره له دې ولسوالۍ شاتګ کړی او د مرستندویو ځواکونو په رارسیدو به ژر تر ژره د دې ولسوالۍ د بېرته نیولو عملیات پیل شي.

هغه زیاته کړې، چې د دې ولسوالۍ په نښته کې د طالبانو د لایزري قطعې قومندان(امام الدین عثماني) له ۲۹ وسلوالو طالبانو سره وژل شوي او د سیمه ییزو پاڅونوالو پېنځه کسان ټپیان دي.

دغه راز د ولایتي شورا دوه غړیو هر یو عصمت الله قرباني او میر احمد قسیم منلي، چې د دې ولایت د درقد ولسوالي هم طالبانو نیولې او امنیتي ځواکونو ترې شاتګ کړی دی.

طالبانو د د دغو ولسوالیو نیول منلي او وایي، چې په دې  ولسوالیو کې طالبانو په ډېر شمېر وسلې او مهمات هم تر لاسه کړي دي.

د هېواد په شمال کې تخار ولایت یو له ناامنه ولایتونو څخه دی، چې طالبان یې په لیرې پرتو ولسوالیو کې پراخې هڅې لري

 

About Ariana News

Avatar

Check Also

له دوه یم نړیوالی جګړې راهیسې، کووید-۱۹ ترټولو لویه ننګونه ده – ملګري ملتونه

(Last Updated On: April 1, 2020) د ملګرو ملتونو عمومي منشي، آنتونیو ګوټرز خبرداری ورکوي …