عاجل خبرونه

طالبانو د سیمه ییزو چارواکو په مرسته د ملي اردو سرتيري وژلي

(Last Updated On: اپریل 18, 2015)

vlcsnap-2015-04-18-18h07m04s71

د بدخشان ولایت ځینو اوسیدونکو ولسمشرۍ ماڼۍ ته نږدې په یوه لاریون کې د روانې اوونۍ تر پایه د دغه ولایت د لومړۍ درجه چارواکو د ګوښه کېدو غوښتنه وکړه.

دوی څرګنده کړه چې طالبان له سیمه ییزو چارواکو او په دولتي بنسټونو کې له ځینو افرادو سره په همکاري کې د جرم په ولسوالۍ کې د ملي اردو د سرتیرو په وژلو لاس پورې کړی دی.

دوی وایي، باید پریښنودل شي چې دغه ولایت د داعش د فعالیتونو پر ځای واوړي.

لاریون کونکي همدا راز د جرم د ولسوالۍ د وروستۍ پیښې په تړاو د هغو چارواکو او مسولینو د علني محکمې غوښتنه کوي چې د دوي په وینا خپلو دندو کې یې ناغیړي کړې ده.

 vlcsnap-2015-04-18-18h07m37s133

لاریون کونکي حکومت ضد شعارونه ورکول او ویل یې، طالبانو په ولسمشرۍ ماڼۍ کې له ځینو کړیو او له سیمه ییزو چارواکو سره په همکاري کې د افغان ځواکونو پر پوستو برید کړی دی.

دوی له ولسمشر او اجرایی رییس غواړي چې له خپلو دندو لرې شي او د بدخشان د لوړ پوړو چارواکو د ګوښه کېدو غوښتنه هم لري.

قهریدلي لاریون کونکي غواړي چې هغه دولتي مامورین باید افشا شي چې له طالبانو سره همکار دي.

vlcsnap-2015-04-18-18h08m43s57

دوي باوري دي چې د حکومت عمر به اوږد نه وي.

لاریون کونکي همدا راز په بدخشان او شمال سیمو کې د داعش د فعالیتونو مخنیوی غواړي.

د بدخشان د جرم په ولسوالۍ کې اته ورځې مخکې د ملي اردو پر پوستو د طالبانو په برید کې د ملي اردو له شلو زیات سرتیري ووژل شول او ځینې نور هم ټپیان شول.

د کورنیو چارو وزیر بیا وایي چې د دغو سرتیرو د وینو غچ به له طالبانو واخلي.

خبریال: فواد ناصري

About Ariana News

Check Also

طالبان دې له افغان حکومت سره مخامخ خبرو ته حاضر شي- پمپیو

(Last Updated On: مارچ 19, 2019)د امریکا د بهرنیو چارو وزیر مایک پمپیو له طالبانو …