عاجل خبرونه

شهبازشريف د نوازشریف ځایناستی شوی؛ خو خاقان به لنډ مهاله لومړی وزیر وي

(Last Updated On: جولای 30, 2017)

د پاکستان د لومړي وزير نواز شريف له ګوښه کیدو وروسته د پاکستان مسلم ليګ ن ګوند پرېکړه کړې، چې د نواز شريف کشر ورور شهباز شريف به د لومړی وزير ځایناستی و؛ خو د پاکستان له قانون سره سم نوموړی تر هغو نشي کولی د لومړي وزير په توګه دنده تر سره کړي، چې د پارلمان غړيتوب یې نه وي تر لاسه کړی.

د مسلم ليګ ن ګوند د پرېکړي له مخې؛ تر هغې،  چې شهباز شريف د پارلمان غړيتوب تر لاسه کوي پر ځای به يې شاهد خاقان عباسي د لومړي وزير په توګه دنده تر سره کوي.

شاهد خاقان عباسي هم د مسلم ليګ ن ګوند يو مشر غړی دی، چې په ۲۰۱۳ کال کې د نواز شريف له لوري د طبيعي سرچينو فدرالي وزير ټاکل شوی و او د نواز له نږدې کسانو دی.

د پاکستان سترې محکمې د تېرې جمعې په ورځ(د زمري ۶) لومړی وزیر نواز شریف د فساد په تور د حکومت لپاره نااهله وباله او همدا راز يې د ټاکنو کمیسيون ته امر وکړ، چې په ولسي جرګه کې د نوموړي غړيتوب هم لغو کړي.

د نواز شریف او د هغه د کورنۍ د غړیو تجارتي راکړه ورکړه هم تر څېړنو لاندې ده.

قتیل زوی

About Ariana News

Check Also

خلیلزاد د ولسمشریزو ټاکنو د ځنډیدو وړداندیز کړی

(Last Updated On: نوومبر 13, 2018) وال ستریت ژورنال په ډاګه کړې، چې، ترمپ د …