عاجل خبرونه

سيمه ييز پوليس: وسلې او نور مهمات په خپلو شخصي پيسو اخلو

(Last Updated On: August 15, 2015)

Kapisa

د کاپیسا په ولایت کې ځینې سیمه ییز پولیس وایي، په خپلو شخصي پیسو درنې او سپکې وسلې د قاچاق له لارې اخلي. دوی وایی، کاپیسا ولايت د کورنیو او بهرنیو ترهګرو له ګواښونو سره مخامخ دی او د دولت له خوا ورته په کافي اندازه وسلې او مهمات نه ورکول کېږي نو ځکه دوی اړ دي په خپلو پیسو وسلې او مهمات وپېري.

 د کورنیو چارو وزارت بیا دا نه مني چې سیمه ییزو پولیسو ته په کافي اندازه وسلې او مهمات نه ورکول کېږي. مسولین وایي، د دولت له چوکاټه بهر د وسلو پلور او پیر د قانون له مخې جرم دی.

 د كاپيسا ولايت د نجرابولسوالۍ له مرکز پنځه کیلو متره لرې ده، هلته وسله وال مخالفین شته چې د ولایت مرکز یې له ګواښ سره مخامخ کړی دی. کاپیسا کې د ملي پولیسو تر څنګ شپږ سوه پنځوس سیمه ییز پولیس هم شته.

د نجراب ولسوالۍ  دسيمه یيزوپوليسو ډلمشر قندآغا وايي: «ټوپك، ګرنېټ بمونه او درنې وسلې مو په شخصي پيسو اخیستې دي او له دښمن سره پر جګړه كوو. ثقيله وسلې له پاكستان څخه قاچاق وړونکي راوړي او هغه وسلې هم پیرو چې له پخوا سیمه کې پاتې دي. یوميل كلاشينكوف په سل زره او یو ګرنېټ بم په دوه اویا زره افغانۍ خپلو شخصي پيسو را نیسو.»

د کاپیسا د امنیه قوماندانۍ د سيمه ييزو پولیسو آمر وايي،  ددغه ولايت  د افغانيه، غين دره او پچه غان ناامنه دي، په دې سيمو کې د کورنیو وسله والو مخالفینو تر څنګ، عرب، چیچنيایان او پاکستاني ترهګر شته دي چې دوی ټول د کاپیسا ولايت امنیت ته ستر ګواښ دي. دی هم مني چې سیمه ییز پولیس د وسله والو له کموالي سره مخامخ دي.

د كاپيسا ولايت د سيمه ييزو پوليسو آمرسمونيارميرګل وايي: «بايد چې درنې وسلې وركړل شي، اوسنۍ وسلې سم کیفيت نه لري نو بايد چې دوی په درنو وسلو سنبال کړل شي.»

خو بيا هم د کورنیو چارو وزارت وایی، د کاپیسا سیمه ییزو پولیسو ته د اړتیا وړ وسلې او مهمات برابرېږي او په شخصي توګه د وسلو پلور او پېر د قانون له مخې جواز نه لري او هېڅوک په ځانګړې توګه پولیس نه شي کولای چې وسلې او مهمات وپېري او وپلوري.

د كورنيو چارو وزارت د وياند مرستيالنجيب دانش وايي: «پوليسو ته له اړتياو سره سم د كورنيو چارو وزارت وسلي وركوي او پوليس نه شي كولای چي په شخصي پيسو وسلې واخلي. د قانون له مخې دوسلو پلور او پیر جرم دی. هېڅ څوك نه شي كولای چي دغه کار وکړي.»

د کاپیسا په ولایت کې ځینې سیمه ییز پولیس د وسله والو مخالفینو له چلند شکایت لري. د هېواد په کچه شاوخوا دېرش زره سیمه ییز پولیس د کورنیو چارو وزارت په چوکاټ کې فعال دي. ځینو  شمالي سیمو کې د دوی په چلند خلک خوښ نه دي خو په سویلي او ختیځو ولایتونو کې یې خلک د امنیت په تامین کې مهم ځواک بولي.

About Ariana News

Avatar

Check Also

د افغانستان په هرات ولایت کې د کرونا درې شکمنې پېښې ثبت شوي

(Last Updated On: February 23, 2020)  د هرات ولایت د عامې روغتیا ریاست په ډاګه …