ستړي طالبان د کويټې په خروټ اباد کې دمه کوي- اکسپريس ټريبيون ورځپاڼه

(Last Updated On: October 19, 2011 1:33 pm)

د پاکستان چاپ اکسپريس ټريبيون ورځپاڼې د دوشنبې د ورځې(د تلې ۲۵) په گڼه کې د طالبانو د جلب و جذب اوسېدو، درملنې او افغانستان ته پرموټر سايکلونو د لېږنې په اړه يو مفصل راپور چاپ کړی.

په دې راپور کې ويل شوي، چې :

د کوټې د خروټ آباد سيمه د طالبانو د تمځای حثيت پيدا کړی، خو د دې سيمې اوسېدونکي يې اندېښمن کړي، چې هسې نه امريکايي پوځيان پر دوى بمبارد وکړي.

راپور څرگندوي، چې :

طالب جنگيالي له څلور مياشتو وروسته خروټ آباد ته ځي او په دې سيمه کې په کرايه کړيو کورونو کې اړوي.

ورځپاڼه زياتوي:

په افغانستان کې د ټپي طالبانو درملنه په پېنځه خصوصي طبي مرکزونو کې کېږي، چې زیاتره يې د کويټې ښار د هوايي ډگر(ايرپورټ روډ) په واټ کې دي.

د دغو روغتونونو مسوولانو اکسپريس تريبيون ورځپاڼې ته ويلي، چې:

يوه مشهوره نړېواله اين جي او (NGO) د دوى لگښت ورکوي.

په خروټ آباد کې ديني مدرسې هغو طالبانو ته د اوسېدو وړيا ځای ورکوي، چې افغانستان ته د جگړې لپاره ځي او يا له جگړې بېرته دې سيمې ته د دمې لپاره راځي.

اکسپريس تريبيون ورځپاڼه دا سيمه د طالبانو خوندي دمه ځای بولي او وايي:

د خروټ آباد مدرسې جگړې ته د طالبانو د جذب او روزنې مهم مرکزونه دي او هره مدرسه د مياشتې له شپږ څخه تر اته جنگيالي د افغانستان د جگړې لپاره چمتو کوي.

نويو گومارل شويو جنگياليو ته نوي موټرسايکلونه ورکول کېږي، چې د جگړې لپاره پرې افغانستان ته لاړ شي.

دوي ته د خوندي او پټو لارو نقشه ورکول کېږي.

دا جنگيالي د کوچلاغ له لارې قمرالدين کارېز ته رسول کېږي، چې د افغانستان د پکتيکا ولايت په پوله کې دي.

اکسپريس ټريبيون زياتوي:

دوى ته ويل کېږي، چې ډلې ډلې لاړ نه شي، پر هر موټرسايکل يوازې دوه – دوه تنه وخوځي.

هرطالب ته د موټرسايکل د تېلو لپاره پرمصرف سربېره پېنځه زره کلدارې جېب خرڅ هم ورکول کېږي.

About ATN NEWS

Check Also

په پاکستان کې زیږیدلیو افغانانو ته به تابعیت ورکړ شي- عمران خان

(Last Updated On: September 17, 2018 6:03 pm) د پاکستان لومړي وزیر د دغه هېواد …

ځواب دلته پرېږدئ

ستاسو برېښناليک به نه خپريږي.