عاجل خبرونه

زمونږ جرم له جوپه جوپه خوشې شويو طالبانو ډېر نه دى- ښځينه زندانيانې

(Last Updated On: March 9, 2014)

هغه میرمنې، چي په زندانونو کي شپې او ورځې تېروي ولسمشر حامد کرزی ته په خطاب کې وایي:

زمونږ جرم د هغو طالب ترهگرو څخه، چې جوپه جوپه له بند خوشي کیږي ډېر نه دی.

د آريانا نيوز خبرياله فرح ناز فروتن د كابل ښځينه زندان ته تلې او د بنديانو له خولې په ډاگه كوي، چې:

څارنوالان د دوى د خوشې کولو په بدل کې پیسې غواړي او د نه ورکولو په صورت کې یې د دوسیو کار ځنډول کیږي.

دا په داسې حال کې ده، چې د دې زندان مشره ميرمن زرافشان نایبی وایي:

څه موده وړاندې یوه ترهگره ښځه، چې ۷ کاله په بند محکوم شوې وه له درې کلونو وروسته د تخفیفونو له مخې خوشي شوه .

ذاکره د پروان ولایت اوسیدونکې په یاد ولایت کي د ټښتوني په جرم نیول شوې او په ۴ کاله بند محكومه وه؛ خو د یادې مودې یوازي ۹ میاشتي يې تېرې شوې، ۵ ماشومان لري او وايي:

ماشومان مې له ۹ میاشتو وروسته ليدلو ته راغلي دي.

ذاکره زياتوي، چې حامد کرزی په طالبانو ترحم کوي، خو ښځينه بنديانې په بند كې شپې تېروي او څارنوالان يې د خوشې كولو او دوسيو د څېړلو په بدل كې پيسې غواړي.

د يادونې وړ ده، چې نه يوازې په زندان كې د بنديانو اولادونه روزل كيږي، بلكې د خياطۍ د غاسانتياوو تر څنگ ورته سينگارخونې هم جوړې شوې دي.

د دغه ښځينه زندان بنديانې له درې مياشتو نيولې تر ۲۰ كلونو په بند محكوم دي، چې تر اوسه يې دوه تنه اعدام شوي دي.

About Ariana News

Avatar

Check Also

په مرکز او ولایتونو کې د رایو بیا شمېرنه پیل او ډېر ژر به پای ومومي- ټاکنو کمیسیون

(Last Updated On: November 17, 2019)  د ټاکنو خپلواک کمیسیون ویلي، چې د کمیسیون د …