عاجل خبرونه

روسیه باید افغانستان په خپلو سیالیو کې ښکېل نکړي- دسولې عالی شورا

(Last Updated On: نوومبر 13, 2018)

د افغانستان د سولې عالي شورا له مسکو غواړي، چې افغانستان په شخصي، سیمه ییزو او نړیوالو سیالیو کې ښکېل نکړي.

د افغانستان لپاره د روسیې ځانګړي استازي کابلوف ویلي؛ ناتو د افغانستان د ستونزې په حل کې ناکامه شوې ده.

د مسکو له غونډې د سولې عالي شورا راستون شوی پلاوي بیا دغو څرګندونو ته په غبرګون کې ویلي، چې روسیه باید افغانستان په خپلو نړیوالو سیالیو کې ښکېل نکړي.  

د سولې عالي شورا مرستیال عزیزالله دین محمد وایي: د روسیې په ګډون هر هېواد، چې د افغانستان د سولې په اړه ګام پورته کوي؛ مونږ یې هرکلی کوو؛ خو په دې شرط، چې افغانستان په خپلو شخصي، سیمه ییزو او نړیوالو سیالیو کې ښکېل نکړي.

د سولې عالی شورا پاوي دغه راز په ډاګه کړې، چې وسلوالو طالبانو د سولې د خبرو لپاره خپلې غوښتنې یو څه نرمې کړې وې.

 دوی وايي؛ مسکو ژمنه کړې، چې وسلوال طالبان به له افغان دولت سره د سولې خبرو ته کینوي.

د سولې عالي شورا مرستیال عطاالرحمن سلیم وایي، چې: روسیه هڅه کوي، چې د افغان حکومت او طالبانو تر منځ د سولې خبرو ته زمینه برابره کړي.

دا په داسې حال کې ده، چې طالبانو د مسکو په غونډه کې له افغان دولت سره د سولې خبرو ته د نه چمتوالي څرګندونې کړې دي.

 

About Ariana News

Check Also

د افغانستان سوداګریز توکي د لاجورد له لارې اروپا ته ولیږل شول

(Last Updated On: دسمبر 13, 2018) له هرات ولایت څخه د لاجورد له لارې د …