عاجل خبرونه

راروانو ټاکنو ته د ۷ ولایتونو د نوماندانو نوملړ اعلام شو

(Last Updated On: جون 30, 2018)

ټاکنو خپلواک کمیسیون په ډاګه کړې، چې د ولسي جرګې او ولسوالیو شوراګانو ټاکنو لپاره د اووه ولایتونو د نوماندانو نوملړ اعلام شو.

له دوه ورځو ځنډ وروسته د ټاکنو کمیسیون د اووه ولایتونو د ولسي جرګې د نوماندانو لومړنی نوملړ اعلام کړ؛ خو ځینې نوماندان ترې حذف شوي دي.

د نوملړ له مخې؛ کابل ۷۷ کسه حذف شوي، چې ۱۷ یې ښځې دي، په روزګان کې دوه کسان حذف شوي، په نیمروز کې څوک نه دي حذف شوي، په نورستان کې اووه  کسان حذف شوي، په کونړ کې دوه کسان، په خوست کې درې کسان او په بامیان کې یو کس.

د ټاکنو څارونکي بنسټونه وایي، د کمیسیون د نوماندانو د اسنادو ارزونې په ناستو کې حاضر نه وو؛ ځکه، نو د کمیسیون دا  کړنه د قانون نقض دی.

د افغانستان د آزادو او عادلانه ټاکنو بنسټ رییس یوسف رشید وایي، چې مونږ د اساسي قانون او د ټاکنو مهالوېش نقض اندېښمن کړي یو. کمیسیون هم ځان او هم خلک غولوي.           

د ټاکنو خپلواک کمیسیون کمیشنر سید حفیظ الله هاشمي وایي، د روڼتیا او محرمیت له کبله نه دي توانیدلي، چې څارونکي له ځان سره ولري؛ ځکه، چې شمېر یې له دوه زره ډېر و او ومو نشو کولې ټول په ګډه ارزونه وکړو.

په ولسي جرګه کې هم پر دغه بهیر څه نیوکې کیږي او درغلي یې نوموي.

ټاکل شوې وه، چې د ولسي جرګې د نوماندانو لومړنی نوملړ د چنګاښ پر اوومه اعلام شوی وای؛ خو د ټاکنو کمیسیون د څرګندونو له مخې له ‎ځینو ولایتونو د نوماندانو اسناد ناوخته ور رسیدلي دي.

خبریاله: دیانا صمدي

About Ariana News

Check Also

په هېواد کې لسګونه میلیون افغانۍ هره ورځ شخصي جیبونو ته لویږي

(Last Updated On: سپتمبر 25, 2018) د هېواد د ترانسپورت سرتاسري ټولنې مسوولین وايي، چې …