عاجل خبرونه

راتلونکیو ټاکنو ته د نوماندانو د نوملیکنې بهیر پیل شو

(Last Updated On: مې 28, 2018)

د شنبې پر ورځ( د غبرګولي ۵)  په ټول هېواد کې د ولسي جرګې او ولسوالیو شوراګانو ټاکنو ته د نوماندانو د نوملیکنې بهیر پیل شو.

د ټاکنو خپلواک کمیسیون رییس د  نوماندانو د نوملیکنې پر لومړی ورځ دوه پیغامه لري؛ یو پیغام یې نوماندانو ته او بل هم هغو نوماندانو ته، چې غواړي زور استعمال کړي.

د ټاکنو خپلواک کمیسیون رییس د دې بهیر په پیل کې نوماندانو ته خبرداری ورکړ، چې زور او قدرت استعمال نه کړي او هیچا ته به د کمیسیون په چارو کې د لاسوهنې اجازه وړنکړ شي.

د ټاکنو خپلواک کمیسیون رییس ګلاجان عبدالبدیع صیاد وایي، د راتلونکیو ټاکنو د نوماندانو د نوملیکنې پر لومړۍ ورځ یوازې په کابل کې له پېنځه سوه ډېرو کسانو ځانونه د نوماندۍ لپاره ثبت کړل.

د ټاکنو لپاره د کاندیدانو د نوملیکنې بهیر به د همدې میاشتې تر دوه ویشتمې روان وي.

څوک، چې ځان کاندیدوي باید د افغانستان تابعیت ولري، د نوماندۍ پر مهال پېنځه ویشت کلن وي او زر پېژند پانې ولري، چې پرې د تذکرو د خاوند ګوته لګیدلي وي دا شرط د ولسي جرګې  د ټاکنو لپاره د نوماندانو په برخه کې کېښودل شوی دی.

خبریال: باعث حیات

About Ariana News

Check Also

روسیه باید افغانستان په خپلو سیالیو کې ښکېل نکړي- دسولې عالی شورا

(Last Updated On: نوومبر 13, 2018) د افغانستان د سولې عالي شورا له مسکو غواړي، …