د کونړامنيتي ځواکونو ته د تيارسئ امرشوى- كونړ والي

(Last Updated On: October 2, 2011)

دا امرله هغې وروسته کيږي، چې پاکستاني ځواکونو د افغانستان پولې ته نږدې پوستې جوړې کړي او په تېره اوونۍ کې له همدې سيمو د افغانستان پرخاوره له شپږسوه زيات توغندي وويشتل شول.

د کونړوالي سيد فضل الله واحدي د يوې بېړنۍ امنيتي غونډې پرمهال وويل:

د کونړپه سرحدي سيمو کې د پاکستان نوې پوستې او پر ډيورنډ کرښه د پاکستاني ځواکونو خوځښتونه زيات شوي او په زياته کچه سرتېري يې هم پرې ځاى په ځاى کړي، چې د دې په غبرگون كې د دفاع وزارت د حکم له مخې ټول امنيتي ځواکونه  د تيارسۍ په حال کې دي او که ورته امر وشي؛ چمتو دي، چې د هرراز دښمن په وړاندې غبرگون وښيي.

د کونړوالي زياتوي، چې:

پاکستاني ځواکونه  وخت ناوخت د افغانستان پرخاوره تېرى کوي؛ خو د دې توان نه لري، چې خپلې پوستې دلته ځاى په ځاى کړي.

امنيتي ځواکونه وايي:

دوى د تيارسئ په حال کې دي او چمتوالى لري، چې له خپلې خاورې او خلکو کلکه دفاع وکړي.

د دوى په وينا:

له وړاندې ولسونو له دښمن سره د مقابلې هوډ ښودلى .

د يادولو وړ ده، چې له تېرې يوې مياشتې راهيسې د پاکستاني ځواکونو شمېرد پولې په هغه څنډه کې ډېرشوي او رپوټونه وايي، چې ځينې اضافي پوستې يې هم جوړې کړي دي.

About ATN News

Avatar

Check Also

ولسي جرګې د ۱۳۹۹ مالي کال بودجه تصویب کړه

(Last Updated On: January 22, 2020)ولسي جرګه له ډېرو ناندریو وروسته بریالۍ شوه، چې د …

Leave a Reply

Your email address will not be published.