عاجل خبرونه

د کب پر ۶ د قطر په پلازمېنه دوحه کې د طالب او امریکايي پلاوو خبرې پلیږي

(Last Updated On: February 24, 2019)

د دوشنبې پر ورځ د کب پر ۶ د قطر په پلازمېنه دوحه کې د طالب استازیو او د افغانستان د سولې لپاره د امریکا د ځانګړي استازي زلمي خلیلزاد تر منځ دوه ورځنۍ خبرې پیلږي.

طالبانو ته نږدې سرچینې وايي، چې د قطر په غونډه کې به له افغانستان څخه د امریکايي سرتېرو د وتلو پر مهالوېش او دا، چې د افغانستان خاروه به د نورو هېوادونو پر ضد نه کارول کیږي؛ هوکړه وشي.

دغه راز د ځانمرګو او هوايي بریدونو او چاپو د درولو مسئله هم د خبرو په اجندا کې راغلې او پر اوربند به هم فکر وشي.

د طالبانو د واکمنۍ د امر باالمعروف ريیس مولوی قلم الدین وایي؛ هفه څه، چې  په تېرو ناستو کې پرې بشپړې خبرې ندي شوي په دې پړاو کې به پرې بحث تر سره شي. په پای کې به وروستۍ پرېکړه وشي او یا به ورته وروستیو خبرو ته نږدې شي. 

سرچینې وایي، چې پاکستان د طالب پلاوي څلور غړیو ته له دغه هېواده قطر ته د تلو اجازه نده ورکړې. که څه هم قطر د هغو د ورلیږدولو لپاره پاکستان ته یوه الوتکه هم لیږلې ده.

سیاسي کارپوه وحید مژده وایي، چې پاکستان امیرخان متقي، عبداللطیف منصور، مطیع الحق او عبدالمنان عمري د ملا عمر ورور ته په دغه ناسته کې د ګډون او سفر اجازه نده ورکړې.

همدارنګه د دوحې ناسته یوه برخلیک ټاکونکې ناسته ګڼل شوې او ان د امریکا او طالبانو تر منځ وروستی ګام ښودل شوی او ویل کیږي، چې د دوحې دغې ناستې ته غوره شوی مشر ملابرادر هم د قطر دوحې ته رسیدلی دی.

حکومت ویلي، چې د دوحې د ناستې په خبرو کې به د افغانستان د حکومت پر ګډولو هم خبرې وشي.

د مدني ټولنو او بشري حقونو شبکې رییس نعیم نظري وایي، چې طالبان او د سیمې هېوادونه هڅه کوي، چې د افغانستان حکومت ډېر لوړ ونه ګڼل شي او له نورو سیاسي بهیرونو او ټولنو سره خبرې اترې ولري.

د یادونې ده، چې دا ځل هم د افغانستان د حکومت استازي ناستې ته بلل شوي ندي؛ خو ولسمشرۍ ویليکه له طالبانو شین څراغ ولیدل شو؛ نو دغې ناستې ته به خپل پلاوی ولیږي.

About Ariana News

Avatar

Check Also

د لوګر په خروار کې ۹۰ میله وسلې ترلاسه شوي

(Last Updated On: July 16, 2019)د لوګر امنیتي چارواکو څرګنده کړې، چې د دې ولایت …