د کب نهمه یا د سرتېري ورځ په هېواد کې ونمانځل شوه

(Last Updated On: February 28, 2019)

د کب د نهمې په نمانځغونډه کې د ملي وحدت حکومت د مشرانو خبرې پر سوله راوڅرخېدی او د سرتېرو مبارزه نه یوازې برحقه بولي، بلکې د دوی په خبره پر افغان ځواکونو به پانګونه هم روانه وساتل شي.

له څو کلونو راپدیخوا هر کال د کب نهمه یا د سرتېري ورځ په شاندارو مراسمو کې نمانځل کیږي. سږ کال هم دا ورځ ونمانځل وشوه. د غونډو ویناوال حکومتي مشران ول.

ولسمشر محمد اشرف غني د کب د نهمې یا د سرتېري ملي ورځې په نمانځغونډه کې څرګنده کړه، چې سوله راروانه ده او د جګړې د دوام لپاره کوم دلیل ندی پاتې.

اجرائیه رییس عبدالله عبدالله د افغان سرتېرو مبارزه برحقه بولي او وایي، چې افغان سرتېر په تېرو اتلس کلونو کې د سر په بدله نه یوازې بېلابېل زیار ګاللی، بلکې قربانۍ یې هم ورکړي دي.

ښاغلي داکتر عبدالله عبدالله زیاته کړې، چې د امریکایانو او طالب استازیو د قطر له ناستې حکومت ملاتړ کوي.

 د ملي دفاع وزارت سرپرست اسدالله خالد وایي، چې افغان ځواکونه هم سراسري سوله غواړي؛ خو داسې سوله، چې د افغانانو غرور او لاسته راوړنې په کې خوندي وي.

د افغان ځواکونو ملي ورځ په داسې حال کې نمانځل کیږي، چې د سولې خبرو په اوج کې د طالبانو د مرکچي پلاوي یوه غړي عباس ستانکزي د افغان ځواکونو د منحلولوخبره کړې وه، چې په کور دننه او بهر له سختو غبرګونونو سره مخامخ شوه.

About Ariana News

Check Also

د قطر په دوحه کې د افغانانو خپلمنځي ناسته وځنډېده

(Last Updated On: April 18, 2019)ټاکل شوې وه، چې د پنچشنبې پر ورځ( د وري …