عاجل خبرونه

د کابینې پاتې غړي به ډیر ژر ولسي جرګې ته وروپیژندل شي

(Last Updated On: February 2, 2015)

vlcsnap-2015-02-02-17h44m05s13

اجرایېه رییس ډاکتر عبدالله عبدالله د بهرنیو چارو د وزیر صلاح الدین ربانې د پیژندنې په مراسمو کې وویل چې د ملي یووالي د حکومت د کابینې پاتې غړي به ډیر ژر ولسي جرګې ته وروپیژندل شي.

اجرایېه رییس له ولسي جرګې غواړي اوسنیو شرایطو ته په کتو د کابینې پاتې غړیو ته ته د باور رایې وکړي.

اته تنه وزیران او د ملې امنیت د عمومې رییس چې د ولسې جرګې لخوا د باور رایې ترلاسه کړې، د ملې وحدت د حکومت د مشرانو لخوا اړوندو بنسټونو ته وپيژندل شول او نن یې رسمآ کارونه پیل کړل.

ډاکتر عبدالله عبدالله اجراییه رییس:

د ددې وزیرانو د ټاکلو لپاره له ولسي جرګې مننه کوم او ټاکل شوې په نږدې راتلونکې کې پاتې نوماند وزیران هم معرفي شي. موږ له ولسي جرګې غواړو چې اوسني شرایط په پام کې ونیسي او دوې ته رایې ورکړي.

 

په همدې حال کې د بهرنیو چارو وزیر صلاح الدین ربانې وایې چې د یو واحد او متخصص ټیم او د مسلکې ټولنې په جوړولو سره به بهرني سیاست پراخ کړي او د سیمې د هېوادونو په همکاری سره به له تروریزم سره د مبارزې په برخه کې کار وکړي.

صلاح الدین ربانې د بهرنیو چارو وزیر:

د بهرنیو چارو وزارت له ټولو وزارتونو بامسوولیت او مهم دی. که چې ملت پر ما باور کړی او مسوولیت یې ما ته راکړی. زه او له ما سره ملګري ټول هڅه کوو چې اوسنیو شرایطو ته په کتو بهرني سیاست ته پراخوالی ورکړو.

 

اوس مهال د ۲۵ وزارتونو له جملې اته وزارتونه په کار پیل کړی او پاتې وزارتونه هم د سرپرستانو لخوا اداره کیږي؛ هغه موضوع چې اکثره خلک پري نیوکې کوي. که څه هم حکومت ژمنه کړې چې د کابینې پاتې برخه به ډیر ژر وروپیژندل شي؛ خو اوس ولسې جرګه په ژمنیو رخصتیو کې په سر وړي او د د دوی د رخصتیو پای ته هم له یوې میاشتي ډیره موده پاتې ده.

خبریال:نعمت الله احمدی

About Ariana News

Avatar

Check Also

د بشپړ ډاډ له رامنځته کیدو پرته به امریکایي ځواکونه ونه وځي-جان بس

(Last Updated On: August 24, 2019)د امریکا سفیر بلخ ته په خپل سفر کې ویلي؛ …