عاجل خبرونه

د کابل بانک ستونزه نه ده حل شوې – بهروز

(Last Updated On: April 26, 2015 6:08 pm)

vlcsnap-2015-04-26-18h05m55s251

د کابل بانک ستونزه لا هم نه ده حل شوی او نوی کابل بانک په خپلو کارونو کې له ګټې پرته فعالیت لري.

له اداري فساد سره د مبارزې د څارنې او ارزونې ګډه خپلواکه کمیټه د دغه مطلب په څرګندولو سره وایی، د کابل بانک قضیې ته رسیدګي د نه منلو ده او په دې تړاو ضد او نقیض خبرې کیږي.

د دغې کمیټې مشر راشد بهروز زیاتوي چې د قضا او محاکمو په ګډون د ځینو دولتي بنسټونو نه همکاري د دې سبب شوې چې دغه بهیر په هېواد کې په پڅ ډول پر مخ ولاړ شي.

دې ادارې په خپل شپږ میاشتني راپور کې ویلي، د کابل بانک قضیه ډیره ورو پر مخ ځي او نوی کابل بانک پرته له دې چې ګټه وکړي، فعالیت کوي.

دغه کمیټه له حکومت غواړي چې هغه چارواکي تعقیب کړي چې اداري فساد کې پر ښکیلتیا تورن دي.

په دې راپور کې همدا راز راغلي چې که څه هم له اداري فساد سره د مبارزې په برخه کې د ملي یووالي د حکومت مشرانو ټینګه ژمنه کړې، خو د محاکمو په ګډون ځینې دولتي ادارې په دې برخه کې ډیرې بې غوره دي.

خبربال: رفیع صدیقي

About Ariana News

Check Also

افغانستان سبا ته له بنګلدیش سره لوبه کوي

(Last Updated On: September 23, 2018 1:34 pm) د هېواد کرکت ملي لوبډلې له دوه …