د کابل بانک د ټولو پیسو د را ټولولو هڅې ګړندۍ شوي

(Last Updated On: اپریل 12, 2015)

vlcsnap-2015-04-12-16h46m29s152

د افغانستان لویه څارنوالي وايي چې د کابل بانک د ټولو پیسو د را ټولولو هڅې یې ګړندۍ کړي.

د لويې څارنوالۍ مسولین وايي چې تر دې دمه یې د کابل بانک له دوه سوه شل میلیونو ډالرو زیاته پانګه راټولې کړې ده او د پوروړو ملکیتونو او جایدادونه یې کنګل کړي دي.

په همدې حال کې د مشرانو جرګې د شکایتونو کمیسیون په حکومت او عدلي ارګانونو داسې نیوکې کوي چې ګواکي د ماليې د پخواني وزیر حضرت عمر زاخیلوال په ګډون د کابل بانک د بحران اصلي کسان ازاد ګرځي.

د ملي یوالي د حکومت د رامنځته کیدو سره سم افغان ولسمشر د کابل بانک دوسیه بیا پرانیسته، خو د میاشتو په تیریدو لاهم د کابل بانک ورکه شوې پانګه ټوله نده تر لاسه شوې او پور وړي په بهر کې دي.

د لویې څارنوالۍ ویاند بصیر عزیزي:

کوم کسان چې تښتېدلي، تر اوسه نه دي نیول شوي؛ لویه څارنوالی کوښښ کوي چې هغوی دوباره ونیسي او افغانستان ته یې ولیږدوي او محاکمه ورسره وشي.

vlcsnap-2015-04-12-16h46m46s64

د افغانستان بانک سرپرست هم وايي چې که پوروړي خپل پورونه ادا نکړي، دوی به یې جایدادونه وپلوري.

د افغانستان بانک سرپرست خان افضل هډه وال:

“که د کابل بانک پوروړي خپل پورونه ادا نه کړي، د دوی جایدادونه به خرڅ او د کابل بانګ ورکې شوې پیسې به پرې پوره کړو.”

vlcsnap-2015-04-12-16h47m25s201

د مشرانو جرګې د شکایتونو د کمیسیون رییس زلمی زابلی وايي چې د کابل بانک په قضیه کې لاهم حقایق پټیږي.

دی وايي چې د ماليې د پخواني وزیر عمر زاخیلوال په ګډون زیاتره لوړ پوړي کسان چې بانک یې بحراني کړی، لاهم ازاد ګرځي.

دا په داسې حال کې ده چې د کابل بانک د عامل پلاوي رییس په علني محکمه کې په عمر زاخېلوال تور پورې کړ چې د کابل بانک په بحراني کولو یې لاس درلود، خو عمر زاخیلوال دغه تور رد کړی دی.

خبریال: رفیع صدیقي

About Ariana News

Check Also

خلیلزاد د ولسمشریزو ټاکنو د ځنډیدو وړداندیز کړی

(Last Updated On: نوومبر 13, 2018) وال ستریت ژورنال په ډاګه کړې، چې، ترمپ د …